Tweante
Oet Wikipedie, de vraaie enzyklopedie
|
|||||
 |
|||||
| Portoal:Tweante | |||||
| Proveensie | Oaveriessel | ||||
| Heufdploats | Eanske | ||||
| Streektaaln | Tweants, Vreeznvens | ||||
| Öppervlakte | 1402 km² | ||||
| Inwonners | 620.000 | ||||
| Volksleed | Tweants Volksleed | ||||
| Regionoale webstie | http://www.twente.nl/ | ||||
Tweante is n gebeed in t oostn van Nederlaand. t Is t oostelik deel van Oaveriessel en t wördt begreansd duur de riviern Regge en Deenkel en de greanzn met Duutslaand en n Achterhook in Gelderlaand. n Naam Tweante is ofkumstig van n Latiensn naam Tuihanti vuur n Germoans volk dat in den hook wonn in de tied van de Romeinen, de Tubaantn. In de elfde eeuw wördn t gebeed al Tuente neumd.
Onderwarpen |
[bewark] Naamnherkomst
Tweante is in de oolde beuke al terugge te veendn in 798 as Tuianti, in 799 as Tueanti, in 851 as Thuehenti, as Tuente (11den eew) en oeteaindelik as Twenthe of Tweante. Vroger wör de -w- as ne -u- eskreewn, en n naamn van 798 lik dus nog aait völle op t Tweante van non. De Tukkers warn vroger nen ruutersvolk, wat blik oet de veundst van oolde altoarsteender bie de Mure van Hadrianus, woerop steet det ze oonderdeel warn van ne Freeske ruutersofdelige. Tweanter is n tweejoarig peard.
[bewark] Ekonomie
De belangriekste steedn in Tweante bint Eanske, Hengel en Almelo. Oldnzel en Riesn beent rechtevoort steark in opkomst. Disse steedn ontwikkeln zik pas in de neegnteende eeuw, doo't de fabrikeurs van linngood noar disse kontrein kwamn. Oet disse tied bint ok de völle baann in t gebeed anlegd vuur t anveurn van groondstofn en t eksporteern van t linn. De produktie van linngood gung duur töt in de joarn zeuvntig, doo't de industrie instörtn deur konkureansie oet Azië. n Anleg van de autobaan A1 noar de Duutse steedn Osnbrug, Hannover en Berlien zoargn vuur nen niejn impuls vuur de Tweantse ekonomie.
[bewark] Gebroekn en religie
Tweante is van vrogger oet ne roomse regio, mer in n paar steedn en dörpe besteet ne gerefformeerde meerderheid. Vuural Riesn steet bekeand um ziene gerefformeerde gemeenschop. Doar teagnoaver is t noordoostn van Tweante vuural katteliek, met de Healige Plechelmus in Oldnzel. In de grote steadn wont völ Moslims, vuural in Almelo, woer at ne relatief grote groep Turkn wont.
Tweante steet bekeand um ziene oalde gebroekn en tradities, zooas t mirreweenterhoornbloazn, t klootscheetn en t stokken van boakes. Met Poasken wördt in Oatmörsken biej de roomsn t vlöggeln doan duur de poaskearls. In westelik Tweante goat ze um poasken hen eierkuuln. Umdat n groot deel van Tweante katteliek is, wördt ok hier karnaval vierd.
[bewark] Strektaal
In Tweante sprekt nog völle "Tukkers", zooas de inwonners van t gebeed ok wal neumd wördt, de strektaal Tweants, un dialekt van t Neersassies. In t Vjenne, Eanter en Riesn hef t dialekt nog wier aandere klaankn en weurde. t Gebroek van t Tweants wör de n antal joarn terug steark meender, mear de leste tied neamp de belangstellige veur t Tweants wier too.
Nen oaverzicht van de karakteristiekn van t Tweants kö-j veendn op t Tweants weurdnbook.
[bewark] Plaatsn in Tweante
Albeargn - Almelo - Beantel - Beckum - Böaningn - Bokel (Eanske) - Bokel (Hoksebarge) - Boorn - Boornerbrook - Brammel - Breklenkaamp - Broenehaar - Buurse - Dealdn - Dealdnerbrook - Dealdner Es - Deankaamp - Deepn - Doarle - Döarningn - Dulder - Ealsn - Eanske - Eanter - Epnzoalder - Eul - Fleringn - Gammelke - Geestern - De Glanerbrug - Goor - Haadorp - Haarbig - n Ham - Harke - Hoarle - Hoksebarge - Heldern - Hengel - Hengevelde - Hertem - De Hoeve - Hoge Heksel - Holthuuzn - Honesch - Iepelo - t Langnven - Lattrop - Langel (Hoksebarge) - Lemsel - Lönnker - Loster - De Lut - Mariaparochie - Maander - Maanderven - Maarkel - Maarkvelde - Mekkelhorst - Nijverdal - Noord Döarningn - Nötter - Nutter - Oagel - Oatmörsken - Oaverdeenkel - Oazele - Old Oatmörsken - Oldnzel - Ossel - Reetmölle - Rektum - Reutum - Riesn - Rossum - Soasel - Stepel - Stokkum - Sunnoa - Tilgt - Tubbig - Twekkel - Vas - t Vjenne - Vroomshoop - Weersel - Westerhaar - Wiene - Wierdn - Zeander - De Zoeke
