Saksen (vôlk)

██ t Olle gebied van de Saksen

██ t Gebied dat zowel bie de Saksen as bie n aander volk rekend wordt

Vlaag van Twìnte

De Saksen binnen n Germoans vôlk oet t noorden van Europa, ien t noudoagse Noordwest-Duutslaand en t oostelk paart van t noudoagse Nedderlaand. Vanôf de 5. aiw stekt n dail van de Saksen t Knoal over en vaalt t tegenswoordege Groot-Brittanie binnen, soamen mit de Angeln, Fraizen en de Jytten. De aachterbleven Saksen ien Duutslaand huilen nog laank vast aan heur Germoanse godsdainst môr wuiren deur de Fraanken onder laaiding van Koarel de Grode mit gewèld kirstend en binnen hoald bie t Fraankische Riek. n Belaangriek laaider van de Saksen was doudestieds Widukind. Ien de middelaiven was Saksen n belaangriek paart van t Hillege Reumse Riek.

Ien Grunnen, t Drint, Overiesel, Aachterhouk en Noord-Duutslaand binnen de mit de toal van de Saksen verbonden Leegsaksische dialekten nog angoal de belaangriekste streektaal en verwiezen noar de Saksen. t Kin nait veronderstèld worden dat de ienwoner van aal dizze streken tot t Saksische vôlk heuren. Zo worden de Grunnegers ook wel as Friso-Saksen of sums zulfs as Fraizen zain en de minsken van de Veluwe as Zuderzee-Saksen en sums zulfs as Franken.

Ontstoan van de Saksen

Um en bie det johr 150 forienigt de Angelen, OostChauken, Aviones, en Reudingen zik tut det Stamforboond van de Saksen loater komp ok de rest van de Chauken, mohr ok de Warnen en Angrivarii bie de boond. In 440 gronden zee even England.

Saksen op de Veluwe

Over t aalgemain môkt man onderschaaid tuzzen Keltische en Germoanse stamgebieden. De grìns tuzzen baaide toal-kultuurgebieden luip over de Veluwe. Vandoar dat dizze regio stoer noam te geven is. De Marsi wazzen n Keltische stam, de Saksen, Franken en Fraizen Germoans. De Franken binnen noa de Grode Vôlkerwandel ien Frankriek en Midden Duutslaand terècht kommen. De Fraizen hebben tiedelk n groot riek had woar ook (dailen van) de Veluwe bie heurden. Dit duurde aans nait laank en doarbie komt dat de Fraizen wazzen veuraal n zee- en reviervoarders vôlk. De Saksen binnen noa de Fraizen opkommen en hebben n swoare stempel lègd op de Nederlaandse en Duutse toal en kultuur, veuraal ien de tied van de Hanze. Zekers noa de Keltische tied kin de Veluwe dus ien elk gevaal typeerd worden as Saksisch. Bovenal staait dat de Veluwe n veulziedeg verleden het woarop verschaaidende vôlker ien dezulfde tied heur stìmpel op t gebied drokt hebben.

t Peerd

Der bestaait ook n ziede "Saksenros" mit meer informoatsie op dit onderwaarp

In völle van ooldsher Sassiese gebeden wörd vake nen ofbeelding van n wit peard in offisjele woapens en skeelder terugge veunden, Bievuurbeeld in de vlagge van Tweante, mer ook in de vlagge van de Duutse deelstoaten Niedersachsen en Nordrhein-Westfalen, en zelfs töt in de groafskop Kent, in Engelaand an too.

Der goan verschaaidene verhoalen over de oorsprong van dit peerd. Man maint dat t verwis noar t witte peerd van de Saksische heer Widukind, aander luu mainen dat t verwiezen zol noar t achtbaindege peerd van de Germoanse god Woden, Sleipnir, woar dat loater zulfs t peerd Amerigo van Sunterkloas van ôflaaid wezen zol.