Oaveriessel

Uut Wikipedia, de vrye encyklopedy
Etalasy-artikel
Oaveriessel
Proveensievlagge Proveensiewoapn
Vlagge van Oaveriessel Woapn van Oaveriessel
Kaarte van Oaveriessel
Kaarte van Oaveriessel
Informasie
Heufdstad Zwolle
Geleuf (2006) Protestaantn 29%
Katteliekn 26%
Moslims 2%
Aanders 6%
Volksleed Aan de rand van Hollands gouwen
Geografie en bevolking
Öppervlakte
- Laand
- Water
3.420,74 km²
3.316,52 km²
104,22 km²
Inwonners
- Totaol
- Bevolkingsdichtheid

1.184.333 (jan 2023)
357 inw./km²
Koördinoaten 52° 31′ N, 6° 5′ O

Koördinaoten: 52° 31′ N, 6° 5′ O

Offisiële webstea
www.overijssel.nl
Oaveriessel

Oaveriessel (Nederlaands: Overijssel) is ne proveensie in t noordoostn van Nederlaand. De proveensie lig in t oostn van t laand. In t westn ligt Flevolaand, t Iesselmeer, n rivier n Iessel en de bearge van de Veluwe in de proveensie Gelderlaand. In t noordwestn greanst t an Freeslaand, in t noordn ligt de torfgebeedn van Dreante, in t noordoostn greanst t an Nedersaksn in Duutslaand, in t zuudoostn an Noordrien-Westfoaln in Duutslaand en in t zuudn lig n Achterhook in de proveensie Gelderlaand. Oaveriessel kan wördn verdeeld in n Kop van Oaveriessel, t Vechtdal, Sallaand en Tweante. In de proveensie sprekt de leu verschelnde dialektn van t Neersassies. De proveensie hef 1,18 miljoen inwonners (2023).

Plaatsn met stadsrechtn bint: Almelo, Blokziel, Dealdn, Deaventer, Deepn, Eanske, Gällemuun, Goor, Graffest, Gramsbeargn, Hardnbearg, Asselt, Kaampn, Oldnzel, Omn, Oatmörsken, Riesn, Steenwiek, Volnhove, Wilsum en Zwolle.

Eanske is de greutste stad met stadsrechtn, Grafhörst in de gemeante Kaampn hef ok disse rechtn, mer is feitelik ne boerschop. Hengel is t greutste doarp van de proveensie. De heufdstad is Zwolle.

Geografie[bewark | bronkode bewarken]

Oaveriessel besteet oet zaandgroondn, dee deurkruust wördt duur rivierkes en bekskes, allenig nich in t noordwestn, woar vuural polders en plasn te veendn bint.

Belangrieke riviern bint de Iessel laangs de greanze met Gelderlaand, t Zwarte Water doarboavn, de Vechte dee van Duutslaand noar Zwolle löp, de Regge tusken Sallaand en Tweante, de Deenkel in t oostn van Tweante en de Reest laangs de greanze met Dreante.

Belangrieke kanaaln bint t Tweantekanaal (Zutfen-Almelo/Hengel-Eanske) en t Oaveriessels kanaal (Almelo-De Haandrik).

Geschiedenis[bewark | bronkode bewarken]

Der besteyt ouk een artikel "Geschiedenis van Oaveriessel" med meyr informaty oaver dit underwarp

n Naam Oaveriessel wördn vuur t eerst neumd in 1528. Doarvuur wördn t gebeed Oaversticht neumd. Dit gebeed wördn bestuurd vanoet t bisdom Uutrech, ok wal t Sticht neumd. t Oaversticht bestun oet n laand van Volnhove, Sallaand, Tweante en ok Dreante. In 1528 gaf de bisschop van Uutrech t Sticht Uutrech en t Oaversticht an keizer Karel V van t Healige Roomse Riek. Disn keizer wördn doarmet heer van Oaveriessel. Doaroet kwam n naam heerlikheid Oaveriessel
De staatn van Oaveriessel wördn vörmd duur de Haanzesteedn Deavnter, Kaampn en Zwolle en de ridderschopn van Sallaand, Tweante en Volnhove.

t Gewest, dat vanof de opstaand teagn Philips II deel oetmaakn van de Republiek van de Zeuvn Verenigde Nederlaandn, wördn bestuurd duur de börgermeisters van de grote steedn en de leedn van de ridderschopn. Noa de korte bezetting (1672-1674) duur de bisschop van Meunster hebt de stadhoalders meer macht kreagn. In 1795, doo as de Bataafse Republiek wördn opricht, wördn Oaveriessel tehope met deeln van Gelderlaand, Dreante en Freeslaand t Departemeant van de Olde Iessel. De oalde proveensiegreanzn bint in 1801 wier hersteld.

Bestuur[bewark | bronkode bewarken]

Proveensiale Staatn[bewark | bronkode bewarken]

De Proveensiale Staatn, t algemene bestuur van de proveensie, besteet oet 47 leedn dee alle veer joar in meert koazn wördt.

Oetslag Staatnverkiezingen 2003-2023 [1]
Partie 2003 2007 2011 2015 2019 2023
stemmen in % zetels stemmen in % zetels stemmen in % zetels stemmen in % zetels stemmen in % zetels stemmen in % zetels
BBB 31,5 17
CDA 37,4 24 34,1 17 21,4 11 22,4 11 17,1 9 8,2 4
VVD 13,7 9 13,6 6 15,8 8 12,4 6 12,9 6 8,0 4
GL 5,3 3 4,3 2 5,1 2 4,3 2 9,5 5 7,4 4
PvdA 23,0 15 17,9 9 18,1 9 10,6 5 8,5 4 6,7 3
CU 7,5 4 10,4 5 7,2 3 8,4 4 8,3 4 5,9 3
PVV 8,9 4 9,4 5 7,2 3 4,9 2
SGP 3,5 2 3,5 2 3,4 2 4,3 2 3,9 2 3,7 2
D66 3,3 2 1,6 0 7,4 3 10,5 5 5,8 3 3,6 2
JA21 3,6 2
PvdD 1,7 0 1,3 0 2,2 1 3,0 1 3,6 1
SP 4,3 3 11,8 6 8,7 4 10,7 5 5,9 3 3,0 1
Volt 3,0 1
FVD 13,3 6 2,7 1
50+ 2,6 1 2,9 1 3,4 1 1,2 0
DENK 1,2 0
LPF 2,0 1 0,4 0
overig 0,9 0 0,2 0 1,8 0 1,2 0 3,2 0
Opkomst 51,7 49,9 57,7 49,8 59,3 65,1
Totaol 63 47 47 47 47 47

Gedeputeerde Staatn[bewark | bronkode bewarken]

t Dagelikse bestuur is t kollege van Gedeputeerde Staatn.[2]

De proveensie Oaveriessel hef ses gedeputeerdn van: BBB, VVD, GL, PvdA en SGP. De regering van t laand hef Andries Heidema (CU) as Kommissoaris van de Könning ansteld.

Gedeputeerdn:

  • Liesbeth Grijsen - BBB
  • Maurits von Martels - BBB
  • Erwin Hoogland - VVD
  • Martijn Dadema - GL
  • Tijs de Bree - PvdA
  • Gert Harm ten Bolscher - SGP

Gemeantes[bewark | bronkode bewarken]

Gemeantes van Oaveriessel

Noa de gemeantelike herindeling van 1 januari 2001 is t getal an gemeantes ofnömn töt 26. Op 1 januari 2005 wördn Deavnter en Batem biej mekaar trökn töt Deavnter. Seend dee tied bint er 25 gemeantes.

  1. Almelo
  2. Boorn (Borne)
  3. Dalsn (Dalfsen)
  4. Deenkellaand (Dinkelland)
  5. Deavnter (Deventer)
  6. Eanske (Enschede)
  7. Hoksebarge (Haaksbergen)
  8. Hardnbearg (Hardenberg)
  9. Heldern (Hellendoorn)
  10. Hengel (Hengelo)
  11. Hof van Tweante (Hof van Twente)
  12. Kaampn (Kampen)
  13. Loster (Losser)
  1. Oldnzel (Oldenzaal)
  2. Olst-Wieje (Olst-Wijhe)
  3. Omn (Ommen)
  4. Roalte (Raalte)
  5. Riesn-Hooltn (Rijssen-Holten)
  6. Stappest (Staphorst)
  7. Steenwiekerlaand (Steenwijkerland)
  8. Tubbargn (Tubbergen)
  9. Tweanteraand (Twenterand)
  10. Wierdn (Wierden)
  11. Zwartewaterlaand (Zwartewaterland)
  12. Zwolle

Radio, tilvisie en drukweark[bewark | bronkode bewarken]

De radio- en tilvisie-omroep RTV Oost döt seend 1992 (van 1988 töt 1992 was dit Radio Oost) 24-uurs niejs, kultuur en vermaak oetzeandn vuur de proveensie Oaveriessel. t Was de eerste strekomroep in Nederlaand dee met tilvisie-oetzeandingn begun.

Belangrieke kraantn vuur de proveensie bint de Stentor en de Twentsche Courant Tubantia, ok wa n Baants en n Tub neumd.

Wus ie det...[bewark | bronkode bewarken]

In de Amerikaanse staot Michigan lig de gemiente Overisel Township, enuumd naor Oaveriessel deur emigraanten van de Nederlaanse pervincie.

Verwiezingen[bewark | bronkode bewarken]

  1. Verkiezingen Provinciale Staten 2003-2023, Kiesraad
  2. Gedeputeerde Staten van Overijssel, provincie Overijssel

Oetgoande verwiezingen[bewark | bronkode bewarken]