Klootscheetn

Oet Wikipedie, de vraaie enzyklopedie
Gao naor: navigasie, zeuk
2 kleute in n snee

Klootscheetn is n balspel woerbie deelnemmers probeert nen bal (of kloot) oonderhaands zo wied meugelik te gooin. t Spel wördt duur joonk en oold spöald. Der bestoat verschilnde variaantn:

  • n Scheidsrechter bepoalt vuurof woer t eandpeunt is. De spöllers mut dan in zoo min meugelik wörpe den bepoaldn ofstaand oflegn.
  • De spöllers sprekt met mekoar de spöltied of. Wee in dee tied met de meenste wörpe zo vear meugelik kömp, hef wunn.

n Bal (of kloot) hef nen diameter van ongeveer 5,6 cm en is van vrogger oet van hoolt en an de binnkaante met lood of iezer ingötn.

Geskiednis[bewark | bronkode bewarken]

Klootscheetn is n oald gebroek dat al besteet zolange leu t zik köant heugn. Der goat verhaaln dat de faraos oet Egypte t al spöald hebt. Ook warn de Iern der al vroo met gangs.

Duur restrikties van gröttere stean, umdat t vuur völ verneling en smangs zölfs reln zorgn, en oonder druk van völ riek haandelsvolk dat van boetn Nederlaand kwam an t eande van de middeleeuwn en t opkomnde Kalvienisme, wör de sport laankzaaman n spöl vuur de leegere klasn. Vandoar ook n naam klootjesvolk.

t Schient dat, duurdat Ierlaand nog n zetjen van Prins Willem van Oranje was, t klootscheetn doar n opleaving hef keand en tot an vandage gereageld spöald wördt.

In de beuke[bewark | bronkode bewarken]

Wellich t bekeandste vuurbeeld van klootskeetn in de beuke is in Mans Kapbaarg van G.B. Vloedbeld. Tiedns ne veeldtocht in dienst van Napoleon Bonaparte löp heuwdfiguur Mans Kapbaarg in ne hinderloage van de Baljoarn, dee't met slingers en keie t Fraanske leager anvalt. Kapbaarg verslöt doarop de Baljoarn duur öarn kaptein met ene smette met n kloot tusken de ogen te smietn.

Rechtevoort[bewark | bronkode bewarken]

Duurdat der in Tweante en n Achterhook de leste decennia völle andach an kultuur scheunkn wördt, hef der in disse umgeaving ook ne opleaving van t klootscheetn plaats had. Ook wieder in Oaweriessel en in Dreanthe zeant ze drok op de sport.

In de Groafskop Beantem wörd t spöl in de weentermoandn duur vreendngroepn espöld. Ze hebt vake ne koare bie zik met etn en stoarkn draank um zik woarm te hooldn. In plaatse van nen kloot gebroukt ze ne kezevörmige heultne skiewe.

Ook in Duutslaand en Italiën is n anwas van serieuze spöllers te zeen. t Geet t klootscheetn zelfs zo good dat der al nen internationaaln boond van besteet, den elk joar wearldkampioenschapn organiseert.

In Tweante zeent verskeaidene Klootsketersvereniges, woervan at dr wat zo groot beent det ze n eegn verenigingshoes hebt. Kleaindere verenigings huurt van aandere verenigings de kantine of, of t kulturhus.

Neersassies[bewark | bronkode bewarken]

Oetgoande verbeending[bewark | bronkode bewarken]