Maarkel
Maarkel (Hollaands: Markelo) is n doarp in de gemeante Hof van Tweante. Tot 2001 was Maarkel zelf ne gemeante.
n Naamn Markelo keump van loo wat "bos" beteeknt, en marke wat "greanze" beteeknt.[1]
Onderwarpen |
[bewark] Umgewing
Op t Westn lig de Maarkelsenboarg, den at op n top t Oaweriessels Verzetsmunumeant 1940-1945 hef.
Op ongevear 5 kilometer op t Westn van t doarp steet ne 156 meter hoge tellevisietoorn. Hiervan steet n skaalmodel in Madurodam in n Haag. In 2007 is-e in ekortt noa at t analoge tellevisiesignaal oet de loch is ehaald.
[bewark] Geskiedenisse
In de middeleewn was Maarkel t heuwd van t karspel Maarkel (koarkgemeante). In 1224 wör Deepn ne gemeante op zikzelf. Vuur n opkomst van t protestantisme, wat in Maarkel duur de adel an t volk wör op edrungn.
Tot t midln van t 17e joarhonderd wördn beevoartn noar Maarkel organiseert, terwiel at det verböadn was duur de regerige. In de parochiekoarke van Maarkel hadn ze n woonderreliek van t Healige Blood. Later stopn de regerige dit duur de kapeln dichte te messeln of of te brekn.
Seend t 15e joarhonderd beheurdn Maarkel tot t richteramt Kedingen. In 1811 wör t Karspel Maarkel, met boerskop Karspel Goor en stad Goor, saamn edoan tot Gemeante Goor. Op 1 juni 1818 wör Maarkel zelfstaandig en in 2001 gung t op in de gemeante Hof van Tweante. Tot Maarkel beheurdn de boerskopn Ealsen, Ealsenebrook, Herike, Stokkum, Maarkelsebrook, Karspel Goor, Pothook en Achterhook.
[bewark] Geleuf
De Maarkelsen beent meestieds behooldnd protestaants. in t midln van t doarp steet de Marinuskoarke, ook wal gewoon Neerlaands-Hervörmde Koarke neumd. In de middeleewn was Maarkel Roomsk, en de oolde Roomske koarke har n rellikwie van t Heailige Blood. Vanoet heel Neerlaand wördn beevoartstochten noar Maarkel emaakt.
[bewark] Bekeande Maarkelsen
- Wijnand Duijvendak (30 november 1957), geboorn in Maarkel en Neerlaands politicus
- Gert-Jan Oplaat (22 november 1964), is geboorn in Maarkel en Neerlaands politicus
- Johan Nijenhuis (4 maart 1968), geboorn in Maarkel en Neerlaands filmregisseur
- Erik Wevers (24 maart 1970), op egröaid en wont in Maarkel, is Neerlaands Rallycoureur en teameigenaar
- Jeroen Biegstraaten (25 juli 1973), geboorn in Maarkel en Neerlaands akteur
- Gerard Bakker, Elvis Bode in Van Jonge Leu en Oale Groond
[bewark] Rifferenties
- ↑ Groenedijk, T. (2000), Nederlandse plaatsnamen, 't Ogeveine: Slingenberg Boekproducties, ISBN 90-76113-815
[bewark] Oetgoande verbeendige
- Kaarte van gemeante Maarkel in 1868 op www.atlas1868.nl
| Plaatsn in de gemeente Hof van Tweante |  |
|||||
|---|---|---|---|---|---|---|
|
