Eierkuuln
Eierkuuln is ne tradisie in Tweante um Poasken, woerbie met hard ekokte eier ekuuld wörd vanof nen boarg oawer ne glad-estrekne bane, woerbie dengenne woervan t ei t vearste rolt ewunn hef, en t ei van de teegnspöller krig.
n Aandern variaant is t probeern um t vurige ei met oew eegne ei te raakn. Dit lik op t Fraanske Jeu Des Boules [1] en wörd ook wal eiertikn eneumd.
Oetleg[bewark]
t Poaskefeest hef n antal van oorsproonk heednse invloodn, dee at allemoal van de oolde Sassiese Ostarafeestn komt. t Ei is n symbool vuur niej leawn, vandoar det det völle in t vuurjoar gebroekt wörd. Umdet in t vuurjoar de wearld wier mear kluur krig, skildert de keender de eier in felle kluurn. Dit kan ook makkelik wean um ze wierumme te veendn in t grös.
Vuur Poasken an goat de vrouwleu de eierbuulkes höakn. Det is n netjen vuur de keender woerin at ze öare eier doon köant. Um t deenk op te rekn hangt ze vake nen sinaasappel oonderin, wat meteen n gezoond häpken is. Dit is nit gebroekelik in alle plaatsn, In wat plaatsn hooldt ze de eier ook gewoon in de haande.
