Regge

Oet Wikipedie, de vraaie enzyklopedie
Gao naor: navigasie, zeuk
De Regge

De Regge is nen Oaweriesselsn rivier den begeent bie Laandgood Westerflier bie Deepn en oetkeump in de Vechte bie Omn.

De Regge kan wordn op edeeld in de Boawn-Regge (Deepn-Riesn), Midn-Regge (Riesn-Heldern) en Beneedn-Regge (Heldern-Omn).

Bie Goor geet de Regge oonder t Tweantekanaal duur.

Vroger heurdn de Buursebekke ook bie t streumgebeed van de Regge. Um n haandel vanoet Westfalen en Tweante op zik an te haaln en doarmet Zutphen te oawertrefn, hef Deawnter de Skipbekke loatn greawn. Tot 1925 wör dr op de Regge voarn met zoompn dee doarvuur in Eanter emaakt wördn. Noa 1849 is de Regge kanaliseerd, umdet'e earder aait boetn zinne waln gung. Rechtevoort prebeert ze um zin oolde verleup wier terugge te doon.

Der besteet ne teorie van den archeoloog Waterbolk [1] dat de Regge vrogger de beneedn-löppe van de Berkel was, en dat de beneednlöppe van de hudige Berkel feailik de beneednlöppe van de Grolse Slinge is. De Slinge kump noo noast Borklo oet in de Berkel zo as ze rechtevoort löp. In de middeleewn zol der dan ne oaverlöppe tussen de streumdallen van Berkel en Slinge emaakt wean tussen Hoarle en Borklo, woarmet n stuk van de Regge (Olde Berkel) dreugveel. De eursprönkelike Berkel, van Eibarge via Hoarle noar Regge, zol dan de ofscheiding tussen Gelre en Tweante ewest wean.

Gebroek[bewark | bronkode bewarken]

Vrooger wör'e gebroekt vuur haandelsvervoer met de Eanterse zoompn. Rechtevoort wordt dr allene nog plezeertochtn organiseerd, woervuur nen ooldn zoomp is herbouwd. Den ligt non in nen inham bie de Pelmölle in Riesn.

Anhalings[bewark | bronkode bewarken]

In t Oaweriessels, Tweants en t Riesns volksleed wördt de Regge neumd:

Oaweriessels volksleed

Aan de rand van Hollands gouwen
Over brede IJsselstroom
Ligt daar, lieflijk om t' aanschouwen
Overijssel, fier en vroom.
Waar de Vecht en Regge kronk'len
Door de heuv'len in 't verschiet
Waar de Dinkelgolfjes fonk'len
Ligt het land, dat 'k stil bespied.

Tweants volksleed

Doar lig tusken Deenkel en Regge n laand
oons mooie en neerige Tweante

Riesns volksleed

Tusken heed en bos en akker
Tusken t hoog en leege laand
Woer t n Oa zo laankzaam, laankzaam kroonkelt
zik nen weg noar t noorden baant

Neersassies[bewark | bronkode bewarken]

  • Tweants: Oa, Regge
  • Oawerig: Regge

Boawn-Regge in t noordn van t Tweantekanaal[bewark | bronkode bewarken]

Boawn-Regge bie Deepn[bewark | bronkode bewarken]


Wellen[bewark | bronkode bewarken]

  1. www.graafschap-middeleeuwen.nl


Wikimedia Commons Commons: Regge - plaetjes, filmkes en/of geluudsbestaanden.