Vercovicium

Oet Wikipedie, de vraaie enzyklopedie
Gao naor: navigasie, zeuk
Vercovicium Romeins fort

Vercovicium was n Romeins huurlingenfort bie de mure van Hadrianus, in t noorden van Engelaand (Northumberlaand), in de parochie Bardon Mill, woer at rechtevoort t städjen Housesteads ligt.

Geskiedenisse[bewark | bronkode bewarken]

mure van Hadrianus vanof Vercovicium
Bouwseloawerbliefsels bie Housesteads Fort

In t tweede joarhoonderd noa Kristus besteund t leager in Vercovicium oet n dubbelgroot infanteriepeloton, en n oonderdeel van de legionears van t legio II Augusta. In t doarde joarhoonderd besteund t oet t eerste cohort van de Tungri, an evuld met de numerus Hnaudifridi en t cuneus Frisiorum, met doaroonder n köppelken Tvihanti. De Tungri warren der in t veerde joarhoonderd nog steeds, volgens de Notitia Dignitatum. Tegen 409 n.K. treuken de Romeinen zik terugge.[1]

t Fort was ebouwd van Rotssteender roond 124 kört noa n bouw van de mure van Hadrianus. Vercovicium was oawer n Oolden Wal en Opheuging 36B hen ebouwd. t Fort wör verskeaidene moalen op eknapt en verbouwd toew at de noordelike verdeadigingsmure op instorten steund. Der was ooit ook n beheurlik döarpken op t zuden (Vicus, ofwal wieke) boeten de muren van Vercovicium, en wat van de funderingen is nog oawer eblewen, zo as t "Moordhoes", woer't twee skeletten wörden eveunden oonder ne niejere vloere, den't der kloarbliekelik bouwenop was elegd.

t Fort is ampart in edeeld, umdet de lange kaante liekweardig met Hadrian's mure ligt (en den't ook direks n noordeliken wal van t fort is). De meeste aandere forten liggent oawer de mure hen, en stekt doarumme oet in nit-Romeins groondgebeed. t Is ook ampart in vergelieking met aandere Britse forten det t gin streumend water hef, en ofhaankelik is van reagenwateropvaank (woervuur't der ne riege grote steenachtige opslagvaten hef). t Hef ook ene van de bestbewoarde stenen driethuze van Romeins Brittanië.


Vernear is der n oonderzeuk edoan duur de English Heritage (n Engelsen monumeantenzorg), woer't oetköm det der op t westen van t fort in-epoalde veelde warren en n doarp op t zuden, in eslötten duur gröppes en n Vallum (n Wal). Ook besteund der woarskienlik n badhoes. Der wörd an enömmen det t gesteurde laandskopsinrichting was.

t Is annemmelik det de stea vuur t fort eawenzovölle was ekeuzen um de strategiese ligging den't beleg lea op n gat in de Whin Sill heuwelraand met oetzicht op Knag Burn, as um de reden det t kort bie n oold döarpken lea. De dudelike planning van de laandindeling oonderstönt n skriewer zinne veroonderstelling det de gebeden roond t fort al vanof t begin volgens ne dudelike planning ebouwd warren.

Referenties[bewark | bronkode bewarken]

  1. Thomas Brown (2006) Celtic Roots, Trafford Publishing ISBN 1552125858