Lattrop

Uut Wikipedia, de vrye encyklopedy
Lattrop in de gemeente Deenkellaand

Lattrop is n koarkdoarp in de gemeente Deenkellaand in t noord-oostn van Tweante. Vuur de gemeentelike herindelige van 2001 heurdn t bie de gemeente Deanekaamp. Op 1 januwoari 2004 har t doarp saamn met Breklenkaamp 1024 inwonners, en ze hebt as bienaamn droadneagels.

Geskiedenisse[bewark | bronkode bewarken]

t Doarp wör vuur t eerst as Lattrope vermeeld op nen oarkonde van de Biskop Jan van Nassau oet 26 juni 1272. n Naamn hef n zelfdn oetgaank as aandere pleatskes kort oawer de Duutse greanze, zo as Ochtrup. Dr beent wat geskiedkeundigen dee at meant det n naamn Villa Uittorpe oet ne lieste van inkomstn van tusken 933 en 966 van t Klooster Werdn an de Roer bie Esn, al op Lattrop duudt. t Zol een van de oarvn wean dee at Koarel n Grootn an t klooster har eskeunkn.

Töt an det in 1818 Lattrop bie Deanekaamp köm, ha'j ne boermoarke Lattrop, woereunter ook Tilligt völ. Breklenkaamp was toertieds ne ofzeunderlike boermoarke, terwiel at'e rechtevoort in eenn oam met Lattrop eneumd wörd.

Mölle[bewark | bronkode bewarken]

In t doarp steet de Oormanmöl. Disse mölle wör in 1779 as pelmölle in Tjamswear bie Appingedam ebouwd. Vanof 1810 dreeidn'e doar as ölliemölle. In 1909 wör de mölle kocht, t volgende weenter of ebrökn en per skip noar Lattrop bracht, woer at'e wier op ebouwd wör vuur korenmölle. Vanof n Tweedn Wearldoolog wör'e verwearloosd, en in 1983 restoreerd.

Bekeande leu oet Lattrop[bewark | bronkode bewarken]

Oetgoande verbeendige[bewark | bronkode bewarken]