Kampen (Overiessel)

Oet Wikipedie, de vraaie enzyklopedie
Gao naor: navigasie, zeuk
Gemeente Kampen
Vlagge van de gemeente Kampen Wapen van de gemeente Kampen
(Vlagge van Kampen) (Wapen van Kampen)
Lokasie van de gemeente Kampen
Lokasie van de gemeente Kampen
Informasie
Provinsie Overiessel
Heufdplaotse Kampen
Geografie en bevolking
Oppervlakte
 - Laand
 - Waoter
161,79 km²
142,64 km²
19,15 km²
Antal inwoeners
Inwoeners per km²
50.991 (1 mei 2013)
349 inw./km²
Koördinaoten 52° 33′ N, 5° 54′ OKoordinaoten: 52° 33′ N, 5° 54′ O
Overig
Belangrieke verkeersaoders N50, N307, N764; spoorliende Zwolle-Kampen
Netnummer 0314, 038, 0524
Postkodes 8260-8279
Offisiële webstee
www.kampen.nl

Kampen is n stad, gemeente en n olde Anzestad elemaole an de benedenloop van de rivier de Iessel in de provinsie Overiessel. In de gemeente Kampen wonen ruum 50.000 mensen op n oppervlakte van zo'n 162 km² (wöörvan maar n klein gedeelte water). Kampen is bestuurlik deur middel van n netwärkstadovereenkomst verbunnen met Zwolle. Binnen de gemeente Kampen liggen de dörpen Graffest, 's-Eerenbroek, Iesselmuden, Wilsum en Zalk.

In Kampen wördt der Kampers espreuken, n Nedersaksies dialekt dät tot de Sallandse of de Gelders-Aoveriesselse dialektgroep be-eurt. t Onderzuuksinstituut de Iesselakademie zit in Kampen.

Geskiedenisse[bewark | bronkode bewarken]

Rond 1150 was der al olten bebouwing op de plaatse waor t Kampen van now ligt, mar de name Kampen wördt in de geskiedenisse pas enuumd in 1277. De geunstige ligging an de drukbevaren andelsroete tussen de Zuderzee en de Rien zörgde derveur dät Kampen zich al gauw ontwikkelde van n gewone nederzetting töt n rieke andelsstad die zol uutgruuien töt één van de machtigste en toonangevende steden van Noordwest-Europa. In de 14e eeuw ruulde Kampen mit de bisschop van Utrecht, Jan van Arkel, de polder Mastenbroek tegen t recht op anwas in de Iesseldelta. t Verzanden van de Iessel maakte vanof 1430 zuties an n ende an de welvarendeid van Kampen.

De Ollandse Oorlog, tussen de Republiek van de Zeuven Verenigde Nederlanden en Engeland en Frankriek, betekende een definitief ende van de enorme macht van de stad. Deur t recht op anwas in de Iesseldelta was de stad wel eigenaar ewörden van t alsmaar groter wördende Kampereiland. De pachtinkomsten waren zo groot dät de stad gien belasting oefde te effen.

Kamper volkslied[bewark | bronkode bewarken]

\mathfrak{K}ampen, alleröördigst städtien,
döör wöör ik geboren bin.
Wöör 'k aost ieder weet te wonen,
bi'jnao alle mensen ken.
Met oe olde trotse torens,
die'j al gauw van van värre zien,
städtien uut mien kienderjören,
oe vergeten kan ik niet.
\mathfrak{O}p oe mooie olde wallen,
eb ik ies as kiend espeuld.
Met mien olders, breurs en zussen,
lief en leed steeds saam edeeld.
Met oe olde, diepe grachten,
wöör n vreemde van genot.
Kampen, skoon en zinlik städtien,
Oe vergeten kan ik niet.
\mathfrak{A}l oe olde poortenamen,
doen nog denken an t verleden.
Met oe märkt in t midden.
olde uzen der um-een.
Met oe mooie Oldestraote,
wöör a'j veule winkels zien.
Kampen, met oe gries verleden,
Oe vergeten kan ik niet.
"\mathfrak{A}nzestad", zo mag ie ieten,
Iesselbrugge, Kamper Steur'
en de "Uien", niet vergeten,
we kregen der n name deur.
Kampen is n eel skier städtien
wöör a'j veule kärken zien.
t Is de stad wöör 'k bin geboren.
Kampen: Ik vergeet oe niet!
\mathfrak{t} Is de stad wöör 'k bin geboren.
Kampen: Ik vergeet oe niet.

Bekende Kampers[bewark | bronkode bewarken]

Eén van de bekendste Kampenaren was de skilder Hendrick Avercamp (1585-1634).

Galleri'je[bewark | bronkode bewarken]

Uutgaonde verwiezingen[bewark | bronkode bewarken]

Wikimedia Commons Commons: Kampen - plaetjes, filmkes en/of geluudsbestaanden.


Nuvola apps ksig.png Dit artikel is eskreven in t Sallaandse dialekt van Kampen, in de Algemene Nedersaksiese Skriefwieze.