Deepn

Oet Wikipedie, de vraaie enzyklopedie
Gao naor: navigasie, zeuk
Hoes van Deepn, een van de zes kasteeln um Deepn
De Neerlands-Hervörmde Johanneskoarke in Deepn

Deepn (Hollaands: Diepenheim) is kleain pleatsken in de gemeante Hof van Tweante (2001), in t zuud-westn van Tweante. Vuurdet de gemeante Hof van Tweante besteun was Deepn zelf ne gemeante. Deepn steet bekeand um zinne beeldnde keunst en um zinne kasteeln. In t verleedn wör Deepn al n moal verkeuzn tot "Greunste Gemeante van Neerlaand" en hef dus völle natuur te beedn.

Geskiedenisse[bewark | bronkode bewarken]

t Stèdken Deepn is één van de euldste van Tweante. t Is ontstoan oet de hearlikheaid Deepn, wat sleug op de Hearn van Deepn. In de tweede helfte van t 12e joarhonderd wör Deepn van de Groawn van Dahl, duurdèt Regenwice van Diepenheim doar bie in trouwdn. In 1331 wör Deepn verkoch an de bisskop van Utrech.
In 1224 wör n kapel van t Hoes van Deepn verheewn tot parochiekoarke, en t laand wat doarbie heurdn wör of enömn van de parochie van Moarkel, woer t eerst an heurdn. De koarke richtn zik op n Heligen Johannes n Deuper. Rechtevoort is t ne Neerlaands-Hervörmde koarke.
Duur de Reformasie gungn de leu oet Deepn oawer op t Protestantisme, mear de noaberskop Markvelde, wat ook an Deepn heurdn, bleef Rooms-Katholiek. De Industrialisasie van t 19e joarhonderd is an Deepn vuurbie egoan. Doarumme is Deepn nog aait t kleainste stèdken van Tweante, en wörd duur de inwonners doarumme leefhebnd Stedeken eneumd.
Vuural duurdet r zovölle kasteeln um Deepn hen ligt, hef t nog aait n laandelik karakter, en beent de meeste leu tot in t 20e joarhonderd boer ebleewn.
Deepn hef wellich nooit offisjele Stadsrechn ekreegn, mear n Hear van Deepn skient n papier te hebn eskreewn wat Deepn tot stad verkloardn, mear dit papier is woarskeainlik in 1597 in n grootn braand verlöarn egoan. In 1602 is n niej stadrecht oet eskreewn in de vörm van t nieje stadsbook.

Toerisme[bewark | bronkode bewarken]

t Toerisme is vuural baseerd op de 6 kasteeln dee at doar stoat, en de watermölle Den Haller, den at al in t 12e joarhonderd in de beuke neumd wör. Disse mölle gebrok t water oet de mölnbekke. Wieters beent dr verskeaidene keunstrieges en antiekweenkels te veendn.

Oet Deepn[bewark | bronkode bewarken]

Oetgoande verbeending[bewark | bronkode bewarken]