Grolsch

Oet Wikipedie, de vraaie enzyklopedie
Gao naor: navigasie, zeuk
Grolsch

Grolsch is een Nederlaands biermark dat volgens 't bedrief van oorsprong al sinds 1615 in Grolle emaakt wordt, als eersten deur Willem Neerfeldt. Grolsch is 't bi'jvoegleke naamwoord van Grolle. De 'Grolsche Bierbrouwerijen' bunt ontstoan na de fusie tussen de Achterhoekse Bierbrouwerije De Klok (Grolle) en de Twentse Enschedesche Stoombierbrouwerij (Eanske).

Op 13 mei 2000 wodden de brouweri-j van Grolsch in Eanske zwoar beschadigd deur de vuurwerkramp. De produktie wodden oaver'enommen deur andere brouweri-jen totdat de schade weer hersteld was. In 2004 wodden de ni-je moderne brouweri-j in Bokel in gebroek enommen en vanaf t veurjoar van 2005 bunt de brouweri-jen in Grolle en Eanske eslotten, en is de productie helemoal geconcentreerd in Bokel. 't Schient oaverigens dat t water dat ze broekt, wal oet Grolle kump.

Sinds 12 februari 2008 is Grolsch een zelfstandige dochterondernemming van SABMiller plc. oet Zuud-Afrika. In 2007 is Grolsch een ni'je weg in'eslagen met ut flessenbier. Eerst wodden de piepkes greun met een inhold van 33 cl in plaatse van broen met 30 cl. In 2008 wodden ok de beugelflessen gruun in plaatse van broen. De verandering van de kleur van de flessen hef niks te doon met de oavername deur SABMiller, moar was al langer de bedoeling. Grolsch hef al sinds de joaren '80 greun as bedriefskleur.

Nuvola apps ksig.png Dit artikel is schreevn in t Grols, verbetteringn bint altied welkom.