Nedersaksische literatuur in de 20e ieuw

Uut Wikipedia, de vrye encyklopedy
Nå navigaty springen Nå söken springen
Disambig-dark.svg Dit artikel gef een aoverzicht van de Nedersaksische literatuur in de 20e ieuw. Zie ok de artikels Nedersaksische literatuur töt 1900 en Nedersaksische literatuur in de 21e ieuw.

De Nedersaksische literatuur in de 20e ieuw in Nederlaand is de literaire schrieverije in ienige variaant van 't Nedersaksisch in Nederlaand in de loop van die ieuw. Dizze schrieverije is een wiedere ontwikkeling van de Nedersaksische literatuur uut de 19e ieuw.

Allewal de 20e-ieuwse Nedersaksische literatuur gien ononderbreuken voortzetting is van de schrieverije in 't Middelnederduuts, leuten ofzunderlijke schrievers heur daor wal ies deur inspireren. Zo maakten schrievers as Jan Naarding en Klaas Kleine heur eigen beriemings van 't dierepos aover Reintien de vos, geïnspireerd deur de Middelnederduutse bewarking die in 1498 in Lubeke was verschenen.

Literaire ambities en Nedersaksisch besef[bewark | bronkode bewarken]

't Specifiek literaire gebruuk van 't moderne Nedersaksisch, aanders dus as de schrieverije zunder literaire bedoelingen, was anvankelijk betuun. 't Idee det ok streektaal in literaire zin kun wörden gebruukt, was nog een emancipatieslag neudig. In de jaoren vieftig gaven in de context van de Nedersaksische Beweging een köppel schrievers bliek van heur literaire ambities. Een wiedere emancipatieslag haj vanof de jaoren tachtig, toen literaire Nedersaksische tiedschriften as 't Drèentse Roet, 't Grunneger Krödde en (later) 't Twèentse De Nieje Tied kats breuken mit de traditionele schrieverije.

Schrievers bleven typisch op heur eigen regio betrökken, wat beveurbield töt uutdrokking kwaamp in 't onstaon van ofzunderlijke standaardschriefwiezen veur elke regio. Toch was der wal een maote van baovenregionaol of zölfs internationaal (Nederlaands-Duuts) Nedersaksisch besef, en haj literaire kruusbestoeving. Zo wörrden naor 't veurbield van Roet de tiedschriften Krödde en 't Oost-Friese Diesel opezet, en verscheen sinds 1958 't tiedschrift De Moespot (eerst De Moospot) as orgaan van 't Verbond veur Neersasse Dialektkringen. Dit verbond bestreek de Nedersaksische regio's Achterhoek, Sallaand, Oost-Veluwe en later ok Twente. Schrievers as Jan Poortman en Gerard Vloedbeld zetten romans van Platduutse schrievers umme in respectievelijk 't Drèents en 't Tweants.

Nuvola apps ksig.png Dit stok is eschreven in 't Zuudwest-Drèents.