Twijspaalk

Uut Wikipedia, de vrye encyklopedy
Nå navigaty springen Nå söken springen

Twijspaalk (ondertitel: Moandkraant veur Grunnen) was een Grunningstalig tiedschrift van satirische aord, det in 1966 begunden te verschienen en nao iene jaorgaank (negen nommers) uutscheidden.

An Twijspaalk warkten Simon van Wattum, Hendrik Entjes, Haarm Maaijer, Jan Siebo Uffen en David Hartsema mit. Verscheiden van hen hebt ok an aandere Nedersaksische tiedschriften mitewarkt. In 't tiedschrift stunden satirische en cabaret-achtige teksten. Ok vuj d'r gedichten in, veural van Simon van Wattum onder 't pseudoniem Hadewich Klooster. Van Wattum leefden hum in 't blad uut in satire en mystificaties onder een bulte pseudoniemen.

Mit zien satirische inslag was veural de eerste jaorgaank van 't Drèents letterkundig tiedschrift Roet (1979) inspireerd deur Twijspaalk. Hoogleraar Nedersaksisch Hendrik Entjes nuumde Twijspaalk een paar jaor eerder, in 1976, 'een uniek verschijnsel in de dialektliteratuur, die satyre en kritiek nog maar nauwelijks kent.'

Literetuur[bewark | bronkode bewarken]

  • Fokko Veldman (1990), 'Naoorlogse dialectliteratuur in Groningen', in Jurjen van der Kooi (red.), Dialectliteratuur: balans en perspectief van de moderne streektaalletterkunde in Oostnederland en Nederduitsland: een bundel studies, Grunning: Sasland
  • Hendrik Entjes (1976), 'Oostnederlandse streektaalliteratuur tussen toen en nu', in Literatuur in sociaal perspektief: Lezingen gehouden op het symposium van 6 april 1974 te Leeuwarden/Ljouwert, Amsterdam: Rodopi
  • Stieneke Boerma en Rouke Broersma (1993), Drèentse Schrieverij, Zuudwolde: Stichting Het Drentse Boek (blz. 83)
Nuvola apps ksig.png Dit stok is eschreven in 't Zuudwest-Zuud-Drèents van de Drèents-Oaveriesselse grèensstreek.