De Nieje Tied

Uut Wikipedia, de vrye encyklopedy
Nå navigaty springen Nå söken springen

De Nieje Tied (ondertitel: Blad in t plat) was een Twèents literair-cultureel tiedskrift, eskreven in 't Twèents en naobernde Nedersaksische taalvariaanten (Sallaans, Achterhoeks en 't Platduuts van krek oaver de gröppe). Tussen meert 1994 en april 2004 verskenen der tien nummers.

Makers[bewark | bronkode bewarken]

't Blad wördden vanuut Eanske uutegeven deur De Oare útjouwerij. In de redactie zaten Gerrit Klaassen en mit-oprichter Goaitsen van der Vliet. Töt e in febrewaori 2009 uut de tied kwaamp, zat d'r ok de mit-oprichter Frank Löwik in.

Inhold[bewark | bronkode bewarken]

In De Nieje Tied stunden literaire bi'jdragen in allerhaand genres; prakkezaosies oaver literaire angelegenheden en wiedere keunst; taalkundige stokkies; een rubriek veur körte berichten, in-ezunden brieven en stiekelstokkies; en een oaverzichte van ni'j wark in en oaver 't plat. Goaitsen van der Vliet zien Standaard Schriefwieze veur 't Twèents wördden in 't blad anholden.

Stiel[bewark | bronkode bewarken]

De Nieje Tied wol ni'jmòeds weden en beud gien stee veur 'folklore en kritiekloze ophemmeling van anneke-bestemoorstied'.[1] Seins reup de redactie vrevel op deur hellige besprekings van skriefwark (en spelwark, zetwark en vörmgeving) van in heur ogen lege kwaliteit, daoras 't Twèents niet mit verdan kump; deur heur 'knooiboksnweark' enuumd.

Al vanof 't begun leup 't daorumme niet best tussen 't skaarpe ni'je blad en de treditioneler ekleurde streektaalbladen. De Twentsche Courant skreef: 'Organisaties die zich met het oostelijk dialect bezighouden [...] zwijgen in alle en zelfs de streektalen. Noch in Stad en Land van de Twente Academie, noch in de Bodbreef van de Kreenk vuur de Twentse Sproak of De Moespot van t Verbond van Neersasse Dialectkringen een woord over het nieuwe blad in t plat.' [2]

't Vasteholden deur Twèentse schrievers en lezers an nostalgische skrieveri'je oaver vrogger was volgens Frank Löwik in zien pruufskrift oaver de 'Twentse Beweging' de reden det De Nieje Tied slim kleinskalig bleef, intied det aandere streektaalskrieveri'je merakel goed leup, hoge oplages had en herdrokt wördden.[3]

Uutgaonde verwiezing[bewark | bronkode bewarken]

Rifferenties[bewark | bronkode bewarken]

  1. Webstee van De Nieje Tied; eciteerd uut nommer 1
  2. Gerard Vaanholt, Het botert nog niet tussen De Nieje Tied en dialectclubs, De Twentsche Courant, 2 augustus 1994
  3. F.G.W. Löwik (2003). De Twentse Beweging : strijd voor modersproake en eigenheid. Grunning: Rieksuniversiteit Grunning. Heufdstok negen
Nuvola apps ksig.png Dit stok is eskreven in 't Zuudwest-Zuud-Drèents van de Drèents-Oaveriesselse grèensstreek.