Weuste Hoeve

Weuste Hoeve (Nederlands: Woeste Hoeve) is n gehucht in de gemeente Apeldoorn, in de Nederlandse provinsie Gelderland. De buurtschap besteet uut n restaurant, n hotel en n paor huzen.

Geschiedenis

Weuste Hoeve is ontstaon op t kruuspunt van de ouwe Hanzeweg van Arem naor Deventer en de hessenweg van Steenderen naor Barreveld.

Daor wordde al in de middeleeuwen n uutspanning ebouwd, waor later n gehucht "op Weust Hoef" gruuide. Van t gehucht is noe zowat niks meer over, mar de uutspanning, herbouwd in 1771 naodat de ouwe harbarg of-ebrand was, steet der nog.

Die brand was an-estoken deur n zekere Garrit. Garrit was verliefd op t deerntjen waor zien bruur mee trouwde. Tiejens de huweliksnacht stak ie heur huus in brand, waordeur t karsvarse bruudspaor levend verbrandde. Garrit wordde al gauw deur justisie op-epakt, mar toch wort der tot op heden nog beweerd da'j in duustere nachten der een mit n vuurkist deur de bossen zien dwaolen kunt. Ze numen hum Gluuiende Garrit.

Vorstelik bezuuk

In 1811 verbleef keizer Napoleon Bonaparte hier mit Marie Louise. Ok koning Willem III bezocht de harbarg vaak, op deurreis naor paleis t Loo.

Uutspraok

Uutspraok in Weuste Hoeve: [(də) vustə huvə]

Gemeente Apeldoorne

Stad	Apeldoorne
Darpen:	Bekbargen · Hoenderloo · Hoog Soeren · Klarenbeek · Loenen · Uddel · Ugchelen · Wenum-Wiesel
Buurtschappen:	Assel · Beemte-Broekland · Engeland · Gerritsflesch · Grunendaal · De Haere · Hoog Buurlo · De Jonas · De Krim · Lieren · Meerveld · Niej-Milligen · Oosterhuzen · Radio Kootwiek · Weuste Hoeve

Dit artikel is eskreaven in et westveluwske dialekt van Hoenderloo, in de Algemene Nedersaksiese Schriefwieze.