Hoog Soeren

Uut Wikipedia, de vrye encyklopedy
Naar navigatie springen Naar zoeken springen

Hoog Soeren is n darp in de gemeente Apeldoorne, in de Nederlandse provinsie Gelderland. t Darp ligt in t westen van Apeldoorne in n bosrieke umgeving, en hef umdebie 245 inwoners (2008).

t Darp ligt 85 meter boven NAP. Landelik ezien is t sentraal elaegen, vief kilometer ten westen van de stad Apeldoorne.

Bosrieke umgeving[bewark | bronkode bewarken]

t Darp is umringd deur de bossen van de Koninklike Houtvesterieje t Loo en kreeg van de gemeente Apeldoorne de staotus 'bescharmd darpsgezichte'[1], disse staotus kreeg t ok in juni 2012 van t riek.[2]

Veural in t waekenende bezuken toeristen t in n bosrieke umgeving elaegen darp. t Darp Hoog Soeren ligt te midden van de bossen van de zudelike Kroondomeinen. De noordelike Kroondomeinen liggen ten noorden van de Amersfoortseweg. Hierin staon onder andere t Koninklik Paleis "t Loo". Op wandelingen deur de uutgestrekte bos- en heedvelden bint vake harten en wilde varkens te zien. Saovends ku'j ok wel vossen of dassen tegenkommen. Sarres ku'j der t "burlen" van de harten heuren, as teken dat de bronsttied is an-ebroken.

Zandwaegen[bewark | bronkode bewarken]

t Darp Hoog Soeren hef mar drie waegen die n eigen name hebt. De weg vanuut Apeldoorne heet Soerenseweg. Disse weg geet in t darp over in de Pomphulweg. De Kampstege löp vanof de Amersfoortseweg t darp in. De overige waegen bint goed onderhouwen mar onverharde wegen, die gien eigen name hebt. n Adres wordt an-eduud mit de darpsname, evolgd deur t huusnummer.

Foto-uutstalling[bewark | bronkode bewarken]

Referensies[bewark | bronkode bewarken]

  1. http://www.apeldoorn.nl/DATA/TER/docs/bezoek/cultuurhistorie/monumenten/inlegvel_beschermde_stads_en_dorpgsgezichten.pdf Monumenten], webstee gemeente Apeldoorne
  2. Besluut töt anwiezing van Hoog Soeren as bescharmd darpsgezichte, besluut van de Staotssikketaoris van Onderwies, Kultuur en Wetenschap en de Minister van Infrastruktuur en Milieu van 6 juni 2012, op wetten.overheid.nl

Uutgaonde verwiezingen[bewark | bronkode bewarken]

Wikimedia Commons Commons: Hoog Soeren - plaetjes, filmkes en/of geluudsbestaanden.


Nuvola apps ksig.png Dit artikel is eskreaven in et oustveluwske dialekt van Apeldoorne, in de Algemene Nedersaksiese Schriefwieze.