Hoog Buurlo

Umgeving Hoog Buurlo

De schaopschot (2009) in Hoog Buurlo

Hoog Buurlo is n gehucht in de gemeente Apeldoorne, in de Nederlandse provinsie Gelderland. t Ligt ten westen van de stad Apeldoorne en iets ten oosten van Radio Kootwiek.

Geschiedenisse

Hoog Buurlo is n ouwe landbouwenklave in t midden van de bossen en de Hoog Buurlose Heed.

Eeuwenlank wordden hier op de zelfde maniere eboerd, die ezien wordt as n veurbeeld van de potstalkultuur. Akkerbouw, t houwen van schaopen en t hakken van ekenhout (de looizuur uut ekenschellen gebruukten ze in de leerlooierieje) zörgden veur de neudige inkomsten.

De akkers en schaopendriften kommen nog altied veur. Ok hef t gebied dat Hoog Buurlo enuumd wordt nog de zelfde vörm as drie eeuwen elejen: roewweg n sirkelvörm, umringd deur beukelaonen. Sinds 2009 hef Hoog Buurlo n nieje schaopschot. De menselike bewoning besteet uut twee veurmaolige boerderietjes en drie inwoners.

Etymologie

De name (Hoog) Buurlo kömp al in de 9e eeuw veur en is n samenstelling van bur (kleine woning) en lo (bos).

Beheer

Staotsbosbeheer is op t moment de beheerder van Hoog Buurlo en probeert de kultuurhistoriese elementen die t darp rieke is te verstarken en vörm te geven deur onder meer ouwe wildwallen en schaopendriften te herbouwen of te herstellen. Ok wordt ewarkt an herstel van t ekenhakhout. n Boerderieje in Hoog Buurlo waorin tussen 1980 en 2007 örgelkonserten egeven wordden deur de toemaolige bewoner, wordt daor noe weer veur gebruukt.

Recreatie

Der bint verschillende wandelroutes en rustplaatsen an-elegd, waormee daggiesmensen naor t gebied etrökken worden. Op 18 juni 2009 is t herbouwden Hoog Buurlo offisieel 'los' edaon.

Uutgaonde verwiezing

• Webstee over Hoog Buurlo

Gemeente Apeldoorne
Stad Apeldoorne Darpen: Bekbargen · Hoenderloo · Hoog Soeren · Klarenbeek · Loenen · Uddel · Ugchelen · Wenum-Wiesel Buurtschappen: Assel · Beemte-Broekland · Engeland · Gerritsflesch · Grunendaal · De Haere · Hoog Buurlo · De Jonas · De Krim · Lieren · Meerveld · Niej-Milligen · Oosterhuzen · Radio Kootwiek · Weuste Hoeve

Dit artikel is eskreaven in et oustveluwske dialekt van Apeldoorne, in de Algemene Nedersaksiese Schriefwieze.