Weuste Hoeve

Uut Wikipedia, de vrye encyklopedy
Uutspanning 'De Weuste Hoeve' uut 1771
Monument anno 2018

Weuste Hoeve (Nederlands: Woeste Hoeve) is n gehucht in de gemeente Apeldoorn, in de Nederlandse provinsie Gelderland. De buurtschap besteet uut n restaurant, n hotel en n paor huzen.

Geschiedenis[bewark | bronkode bewarken]

Weuste Hoeve is ontstaon op t kruuspunt van de ouwe Hanzeweg van Arem naor Deventer en de hessenweg van Steenderen naor Barreveld.

Daor wordde al in de middeleeuwen n uutspanning ebouwd, waor later n gehucht "op Weust Hoef" gruuide. Van t gehucht is noe zowat niks meer over, mar de uutspanning, herbouwd in 1771 naodat de ouwe harbarg of-ebrand was, steet der nog.

Die brand was an-estoken deur n zekere Garrit. Garrit was verliefd op t deerntjen waor zien bruur mee trouwde. Tiejens de huweliksnacht stak ie heur huus in brand, waordeur t karsvarse bruudspaor levend verbrandde. Garrit wordde al gauw deur justisie op-epakt, mar toch wort der tot op heden nog beweerd da'j in duustere nachten der een mit n vuurkist deur de bossen zien dwaolen kunt. Ze numen hum Gluuiende Garrit.

Vorstelik bezuuk[bewark | bronkode bewarken]

In 1811 verbleef keizer Napoleon Bonaparte hier mit Marie Louise. Ok koning Willem III bezocht de harbarg vaak, op deurreis naor paleis t Loo.

Uutspraok[bewark | bronkode bewarken]

Uutspraok in Weuste Hoeve: [(də) vustə huvə]

Dit artikel is eskreaven in et westveluwske dialekt van Hoenderloo, in de Algemene Nedersaksiese Schriefwieze.