Assel

Uut Wikipedia, de vrye encyklopedy
Nå navigaty springen Nå söken springen

Assel is n gehucht in de gemeente Apeldoorne, in de Nederlandse provinsie Gelderland. t Wordt deur t Kroondomein escheiden van t darp Hoog Soeren. Assel ligt op twee kilometer ofstand van de buurtschap Radio Kootwiek en ongeveer tien kilometer ten noordwesten van Apeldoorne. Assel is n gehucht van 12 woningen, n natuurbegraofplaatse mit n kapelle (de Heilige-Geestkapelle), n natuurkämping, n uutspanning (die zommers vake bezocht wordt deur bezukers van de Asselse Heed, n natuurgebied waor ie, veural saovends, veule wild zien kunt) en n huufkarverhuurbedrief. Eertieds ston Assel ok bekend vanwaegen de iezerwinning. De grond zit vol (iezer)slekken.

Assel had sinds 1876 n eigen treinhalte: halte Assel. t Stasion wordden onder meer gebruukt deur koning Willem III en later deur prins Hendrik, die van daoruut naor t aordhuus reizen konden, n jachthuusjen in t Kroondomein dat in 1861 veur Willem III ebouwd is.

Tiejens de bouw van t zendstasion Radio Kootwiek, estart in 1918, wordden der van Assel naor Radio Kootwiek n spesiaal enkelbaons spoorlientjen an-elegd veur t vervoer van bouwmaterialen.

Assel hef tegenswoordig gien ansluting meer op t openbaor vervoer, al wordt t gehucht wel deurkruust deur de spoorliende Amsterdam - Apeldoorne, töt an Zutfent Oosterspoorweg eneumd.

Bie t sentrum liggen akkers, die binnen de bosrieke umgeving n landbouwenklave vormen.


Nuvola apps ksig.png Dit artikel is eskreaven in et oustveluwske dialekt van Apeldoorne, in de Algemene Nedersaksiese Schriefwieze.