Virginia

Oet Wikipedie, de vraaie enzyklopedie
Gao naor: navigasie, zeuk
Disambig-dark.svg Zie Virginia (duurverwiesziede) vuur aandere betekenissen van Virginia.
Virginia
Vlagge van Virginia Woapen van Virginia
Vlagge van Virginia Woapen van Virginia
Kaarte van Virginia
Kaarte van Virginia
Old Dominion
  • Mother of Presidents
Ofkorting VA
Tiedzone Eastern (UTC-5/-4)
Informasie
Oppervlak laand 110.785,67 km² (7.4% water)
Inwonners
- Dichtheid
8.001.024
78 inw./km²
Geografie en bevolking
Too-etreaden 25 juni, 1788

t Gemenebest van Virginia is nen stoat in de Verenigde Stoaten van Amerika. Virginia wörd mangs t "Oolde Domein" eneumd of "Moo van de Presideanten", umdät acht presideanten der geboren zeent. t Laandskop en klimaat van Virginia wordt vörmgewen duur de Blue Ridge-Boargen en de Chesapeakebaai, woer't völle inheemse plaantn en deers leawt. De heuwdstad is Richmond, en Virginia Beach is de stad met de meeste inwonners. In Virginia leawt mear as acht miljoen leu, woervan't de meeste in Groafskop Fairfax wont.

De geskiedenisse van t gebeed begeent met de verskeaidene inheemse stämme, zo as de Powhatan. In 1607 stichten de London Company de Virginiakolonie, as de eerste bliewende Engelse kolonie. Slawenarbeid en t laand wat de inheemse indiaanse stämme was of enömmen warren belangriek in de vroge politiek en ekonomie. Virginia was ene van de Darteen Kolonies in de Amerikaanse Revolusie en wörden lid van de Konfederate Stoaten van Amerika in n Amerikaansen Börgeroorlog. Doarin wör Richmond de heuwdstad van de Konfederasie maakt en de noordwestelike stoaten gungen apart verdan as de stoat West Virginia. Skoonwal de stoat beheurlik behooldend was, zeent rechtevoort beaide nasjonale partiejen an mekoar ewoagnd.

De Gennerale Vergoaring van Virginia is t ooldste juridiese orgaan in de Verennigde Stoaten. De stoatsregearing is vake beneumd as meest effektief woarkende regearing duur t Pew Oonderzeukscentrum. De regearing is uniek um de manere woerop ze steade en groafskoppen geliek behaandelt, wodöanig ze de weagen beheart, en regearingsleaiders verbeedt mear as een termein te woarken. De ekonomie van Virginia dreeit op völle faktoren: laandbouw in t Shenandoahdal, federale buroos in t noordn, zo as Defeansie en de CIA. Doarnöast zeent dr nog verskeadene aandere leagerbasisen. De völle publieke skolen, kolleges en inversiteaten hebt bie edreagen an de gröai van de media en technologiesektoren. Doarduur zeent kompjutertsjips t grötste eksportprodukt van Virginia.