Maine

Uut Wikipedia, de vrye encyklopedy
Nå navigaty springen Nå söken springen
Maine
Vlagge van Maine Wåpen van Maine
Vlagge van Maine Woapen van Maine
Kaarte van Maine
Kaarte van Maine
The Pine State
De Dannenståt
Ofkorting ME
Tiedzone Eastern (UTC−5/−4)
Informasie
Oppervlak laand 91.646 km² (13,5% water)
Inwonners
- Dichtheid
1.344.212
16,9 inw./km²
Geografie en bevolking
Too-etreaden 15 mei, 1820

Maine (uutspreaken as Meyn) is den meyst noordeliken ståt in et noordousten van de Vereynigde Ståten. De höyvdstad is Augusta en de drukstbevolkede stad is Portland.

Maine is up 11 ståten nå den kleinsten ståt wat uppervlak angeyt, hevt et up acht nå kleinste inwoanertal en de up 12 nå dünste bevolkingsdichtheid van de vyvtig ståten. Et ligt in de historiske Ny Engeland-streake. Up et westen hevt et ne grense med Ny Hampshire. Den Atlantisken Oceaan ligt up et süüdousten en de kanadeeske provincys Brynswyk en Québec up et noordousten en -westen. Et is den eanigsten ståt wat mär an eynen anderen VS-ståt grenset.

Wat landskap angeyt steyt Maine bekend üm de gnadderige rotsachtige küstlyne, laege, glooiende bargen, swår bebusked binnenland en skilderachtige waterweagen. Ouk beroomd is de seyköäken, med name kreyvt en musselen. Maine hevt een vuchtig landklimaat, ouk an de küste.

Volgens ne telling woanden der up den 1. juli van 2019 1.344.212 lüde in Maine. Al hevt den ståt ginne officiele språke, et engelsk wördt et meyste küürd. Dårnå kümt ne kleine grup lüde wat ouk noch fransk kan (5%). Spaansk wördt döär nen enkeling spröäken.

Dusenden jåren woanden der inheymsken, vöäral spreakers van et algonquiaansk. Den fransken Pierre Dugua, Sieur de Mons en syn volk warren de eyrste europeanen. Dee stichteden ne neadersetting up et eiland Saint Croix in 1604. De eyrste engelske kolony as de kortstundige Popham Colony, den as in 1607 döär de Plymouth Company stichted wör. Langs de küste van Maine wörden verskeidene neadersettingen stichted, al mislükkeden der meyrdere döär et lastige klimaat, anvåringen med de inheymsken en anderen teagenslag.

By anvang van de 18. Eywe warren der noch mär een händkevul europeeske neadersettingen oaver. Loyalisten en patriotten vöchten üm Maines gebeed in de Amerikaanske Revoluty. In den Oorlog van 1812 was et unverdeadigde oustelike deyl van Maine in handen van de britten. Nå at dee een paar mislükkede veltochten makeden, wör der een vreydesverdrag upstelled wårin bedüngen wör dat ’n deyl van et michigaanske skyreiland bestemd was vöär de inheymske amerikanen. Töt an 1820 was Maine underdeyl van et Gemeynebest van Massachusetts. In dat jår stemden se vöär unafhangelikheid. Up den 15. mei van dat jår wör Maine de 23e ståt van Amerika.