Indiana

Uut Wikipedia, de vrye encyklopedy
Indiana
Vlagge van Indiana Woapen van Indiana
Kaarte van Indiana
Kaarte van Indiana
The Hoosier State
Ofkorting IN
Tiedzone Gröätste deyl: UTC -5
Informasie
Oppervlak laand 94.321 km² (1,5%)
Inwonners
- Dichtheid
6.691.878 (2018)
70,7 inw./km²
Geografie en bevolking
Too-etreaden 11 december 1816
Antal groafskoppen 92

Indiana (spreak uut: (ɪndi'ænə) is nen ståt in de Vereynigde Ståten van Amerika. Kultureel höyrt et by de amerikaanske Midwestern-streake en geografisk by de Groute Meyrenstreake. Indiana hevt ne uppervlakte van 94.321 km² wårvan 1424 km² water (1,5%). By ne telling in 2018 woanden der 6.691.878 lüde. De höyvdstad en tegelyke de gröätste stad is Indianapolis. Et ligt an Lake Michigan in et noordwesten, Michigan in et noorden, Ohio in et ousten, Kentucky in et süden en süüdwesten en Illinois in et westen.

Indiana tröäd up den 11. december van 1816 to as nyen amerikaansken ståt. Dårvöär was et dusenden jåren vry land vöär verskeidene inheymske volker. Seyt de grundlegging as nyen ståt sint de verskillende kolonisatyströymen ne afspegeling van de kulturele herkoamst van de lüde; de noordelike streake kreag vöäral lüde uut Ny Engeland en Ny Jork. Et midden van Indiana tröäk vöäral migranten uut de mid-atlantiske ståten en et nöästliggende Ohio. Südelik Indiana tröäk vöäral südelike migranten, höyvdsakelik uut Kentucky en Tennessee.[1]

Indiana hevt ne afwesselende ekonomy med in 2017 een bruto binnenlandsk produkt van $359,12 miljard (€325,73 miljard).[2]

Indiana hevt verskillende verstädelikte gebeden med meyr as 100.000 inwoaners en een antal kleinere industriele groutstäden. Uut Indiana koamet verskillende professionele sportmanskappen, so as de Indianapolis Colts in de amerikaanske National Football League en de NBA's Indiana Pacers. Den ståt büdt regelmåtig underdak an groute sportgeböärens so as de motor- en autoraces Indianapolis 500 en Brickyard 400.

  1. D'Antonio, William Vincent. Beck, Robert L. "Indiana – Settlement patterns and demographic trends". eb.com. Bekeaken up 3 january 2012.
  2. Statista.com. "Gross Domestic Product (GDP) of the United States in 2017, by state (in billion current U.S. dollars)". 2017. Bekeaken up 20 november 2018.