Oosterhuzen (Apeldoorne)
Oosterhuzen (Nederlands: Oosterhuizen) is n buurtschap in de gemeente Apeldoorne, in de Nederlandse provinsie Gelderland. Oosterhuzen hef 850 inwoners.
Oosterhuzen ligt ten zujen van de stad Apeldoorne en ten zuudoosten van t darp Lieren. t Ligt an t Apeldoorns Kanaal, tussen t Veluwemassief en de Iesselvallei. Oosterhuzen hef n eigen darpsraod en openbaore basisschole.
Drekt ten zujen van Oosterhuzen ligt n stark bebost gebied, mar t gebied drekt umme de darpskern hen hef n landelik karakter. In de loop van de twintigste eeuw is de kern merakels egruuid, mar t hef nog veule karakteristieke boerderiejen en weidse bebouwing. Op de plaatsnaamborden wordt de plaatse betiteld as Een kern met pit. Disse stelling proberen ze waor te maken mit onder meer de jaorlikse grote karmisse in t darp en de fietsvierdaagse in de zommermaonden. An t kanaal steet restaurant de Prinsehove.
n Opvallend kenmark van t darp is t amfitheater. Dit is net as t darp zelf niet al te groot en hef n paor honderd zitplaatsen. t Amfitheater ligt in t harte van t ouwe gehucht, in n uutegraven kule. Naost t amfitheater steet t darpshuus. Dit is n ouwe schole mit an-ebouwd huus van de toemaolige bovenmeister.
Geschiedenisse
[bewark | bronkode bewarken]De plaatse wordden veur t eerst vermeld in 1235 als Osterhuzen. Op de oudst bewaorde kaarte van de Veluwe, die in 1557 emaakt is, steet de plaatse vermeld as Oisterrhuze.
In 1858 is begunnen mit t graven van t zujelike deel van t Apeldoorns Kanaal, dit is in 1868 voltooid. t Kanaal is egraven langes de oostkante van de al bestaonde weg van Apeldoorne naor Dieren. Ten westen van disse weg, die noe "Kanaal Zuud" heet, lag Oosterhuzen. t Kanaal is egraven veur de scheepvaort um handel en industrie in Apeldoorne te bevorderen en ok Oosterhuzen dee hier zien veurdeel mee. De kurkfabriek was één van de bedrieven die zich vestigden an t kanaal bie Oosterhuzen.
Darpshuus Oosterhuzen
[bewark | bronkode bewarken]t In 1901 ebouwden darpshuus is zo as veulen zeggen t kloppende harte van t aktieve darp. t Zit in de ouwe schole. De hele waeke wordt der in de gymzaol, die in t darpshuus zit, edanst, ebiljart, esjoeld en evolleybald. t Darpshuus is ok jaorliks t middelpunt van n rommelmarkt, n fietsvierdaagse, n biljarttoernooi, n klootschiettoernooi en n fietstocht op Hemelvaortsdag. Ok wordt t darpshuus as vergaderruumte gebruukt deur de darpsraod.
Sinds 2 september steet der n niej biegebouw achter t darpshuus mit de name ’t Oosterhuisje, dit wordt naost de Peuterspeulzaol ok gebruukt as rippetisieruumte deur de Muziekamusementsvereniging Mondolia en t Oosterhuzens Dialektkoor.
Uutgaonde verwiezing
[bewark | bronkode bewarken]
|
Dit artikel is eskreaven in et oustveluwske dialekt van Apeldoorne, in de Algemene Nedersaksiese Schriefwieze. |