Ohio (ståt)

Uut Wikipedia, de vrye encyklopedy
(döärstüürd vanaf "Ohio")
Ohio
Vlagge van Ohio Woapen van Ohio
Vlagge van Ohio Woapen van Ohio
Kaarte van Ohio
Kaarte van Ohio
Kastanjeståt
Ofkorting OH
Tiedzone −4/−5
Informasie
Oppervlak laand 116.096 km² (8,7%)
Inwonners
- Dichtheid
11.689.100 (2019)
109 inw./km²
Geografie en bevolking
Too-etreaden 1 määrt 1803
Antal groafskoppen 33

Ohio (uutspråke: /oˈhaɪo/) is nen stat in et noordousten van de midweststreake van de Vereynigde Ståten. Van de vyvtig ståten is et de 34. up uppervlakte, de söävende up inwoanertal en de teende drukstbevolkede. De grötste stad en höyvdstad is Kolumbus. Et versteadelikte gebeed rund dee stad, Grout Cincinatti en Grout Cleveland sint de grötste metropolen.

Ohio grenset an et Eriemear in et noorden, den ståt Pennsylvania up et ousten, Westvirginia up et süüdousten, Kentucky up et süüdwesten, Indiana up et westen en Michigan up et noordwesten.

De name danket den ståt an de rivyr Ohio. Dee name kümt weader van et senekaanske woord ohi:yo’, wat ‘goden rivyr’, ‘grouten rivyr’ of ‘grouten ströym’ bedüdet. Ohio wör as 17. ståt by et gröttere verbund edån up den 1. määrt 1803. Ne byname vöär den ståt is de “Buckeye State” (kastanjeståt), når de ohiaanske kastanjeböyme.

In de koloniale tyd unstünd Ohio as deyl van et Noordwestelike Territorium up et westen van de Appalachen nå de Noordwestelike Indianenoorlogen. Et wör den eyrsten neet-kolonialen vryståt by et Verbund. Et untwikkelden sik rap töt industrieel centrum in de 20. eywe en groiden do voordan töt ne ekonomy wat et meyr van informaty en deenstverleyning müt hebben in de 21. eywe.

De regeyring van Ohio besteyt uut nen uutvorenden tak under leiding van nen gouvernöör. Den wetgeavenden tak hevt en tweykamerstelsel wat de Algemeyne Vergåring van Ohio nöömd wördt. Den rechterliken macht wördt eleided döär et hougerechtshov. Ohio beset 16 stöle in et Amerikaanske Huus van Ofvaerdigden. Den ståt steyt bekend as wesselståt (Swing State) en bellwether (tounangeavend in verkesingen) by landelike verkesingen. Söäven amerikaanske presidenten kümmen uut Ohio.

Ohio is groutendeyls noch nen industryståt en stünd in 2015 wat BBP angeyt up de 8. steade in de lyste van 50 ståten. Et is den dardegrötsten amerikaansken fabriksståt en de tweydegrötste maker van wagens, up Michigan nå.