Oaveriessel

Oet Wikipedie, de vraaie enzyklopedie
Gao naor: navigasie, zeuk
Etalazie-artikel
Oaveriessel
Proveensievlagge Proveensiewoapn
Vlagge van Oaveriessel Woapn van Oaveriessel
Kaarte van Oaveriessel
Kaarte van Oaveriessel
Informasie
Heufdstad Zwolle
Geleuf (2006) Protestaantn 29%
Katteliekn 26%
Moslims 2%
Aanders 6%
Volksleed Aan de rand van Hollands gouwen
Geografie en bevolking
Öppervlakte
- Laand
- Water
3.420,86 km²
3.325,62 km²
95,24 km²
Inwonners
- Totaol
- Bevolkingsdichtheid

1.138.571 (1 sep 2012)
342 inw./km²
Koördinaoten 52° 31′ N, 6° 5′ OKoordinaoten: 52° 31′ N, 6° 5′ O
Politiek
Kommissoaris van de Könningin Ank Bijleveld
Zettelverdeling Provinsjoale Stoaten
Zettelverdeling Provinsjoale Stoaten
Officiële webstie www.overijssel.nl

Oaveriessel (Nederlaands: Overijssel) is ne proveensie in t noordoostn van Nederlaand. De proveensie lig in t oostn van t laand. In t westn ligt Flevolaand, t Iesselmeer, n rivier n Iessel en de bearge van de Veluwe in de proveensie Gelderlaand. In t noordwestn greanst t an Freeslaand, in t noordn ligt de torfgebeedn van Dreante, in t noordoostn greanst t an Nedersaksn in Duutslaand, in t zuudoostn an Noordrien-Westfoaln in Duutslaand en in t zuudn lig n Achterhook in de proveensie Gelderlaand. Oaveriessel kan wördn verdeeld in n Kop van Oaveriessel, t Vechtdal, Sallaand en Tweante. In de proveensie sprekt de leu verschelnde dialektn van t Neersassies.

Plaatsn met stadsrechtn bint: Almelo, Blokziel, Dealdn, Deavnter, Deepn, Eanske, Genemuudn, Goor, Grafhörst, Gramsbeargn, Hardnbearg, Hasselt, Kaampn, Oldnzel, Omn, Oatmörsken, Riesn, Steenwiek, Volnhove, Wilsum en Zwolle.

Eanske is de greutste stad met stadsrechtn, Grafhorst in de gemeante Kaampn hef ok disse rechtn, mer is feitelik ne boerschop. Hengel is t greutste doarp van de proveensie. De heufdstad is Zwolle.

Geografie[bewark | bronkode bewarken]

Oaveriessel besteet oet zaandgroondn, dee deurkruust wördt duur rivierkes en bekskes, allenig nich in t noordwestn, woar vuural polders en plasn te veendn bint.

Belangrieke riviern bint de Iessel laangs de greanze met Gelderlaand, t Zwarte Water doarboavn, de Vechte dee van Duutslaand noar Zwolle löp, de Regge tusken Sallaand en Tweante, de Deenkel in t oostn van Tweante en de Reest laangs de greanze met Dreante.

Belangrieke kanaaln bint t Tweantekanaal (Zutfen-Almelo/Hengel-Eanske) en t Oaveriessels kanaal (Almelo-De Haandrik).

Geschiedenis[bewark | bronkode bewarken]

n Naam Oaveriessel wördn vuur t eerst neumd in 1528. Doarvuur wördn t gebeed Oaversticht neumd. Dit gebeed wördn bestuurd vanoet t bisdom Uutrech, ok wal t Sticht neumd. t Oaversticht bestun oet n laand van Volnhove, Sallaand, Tweante en ok Dreante. In 1528 gaf de bisschop van Uutrech t Sticht Uutrech en t Oaversticht an keizer Karel V van t Healige Roomse Riek. Disn keizer wördn doarmet heer van Oaveriessel. Doaroet kwam n naam heerlikheid Oaveriessel
De staatn van Oaveriessel wördn vörmd duur de Haanzesteedn Deavnter, Kaampn en Zwolle en de ridderschopn van Sallaand, Tweante en Volnhove.

t Gewest, dat vanof de opstaand teagn Philips II deel oetmaakn van de Republiek van de Zeuvn Verenigde Nederlaandn, wördn bestuurd duur de börgermeisters van de grote steedn en de leedn van de ridderschopn. Noa de korte bezetting (1672-1674) duur de bisschop van Meunster hebt de stadhoalders meer macht kreagn. In 1795, doo as de Bataafse Republiek wördn opricht, wördn Oaveriessel tehope met deeln van Gelderlaand, Dreante en Freeslaand t Departemeant van de Olde Iessel. De oalde proveensiegreanzn bint in 1801 wier hersteld.

Bestuur[bewark | bronkode bewarken]

De Proveensiale Staatn, t algemene bestuur van de proveensie, besteet oet 47 leedn dee alle veer joar koazn wördt. Oetslag in Oaveriessel van de verkiezingen voor de Proveensiale Staatn van meert 2003 en 2007

Uitslag Statenverkiezingen 2003 en 2007
2003 2003 2007 2007
Partij Stemmen in % Zetels Stemmen in % Zetels
CDA 37,4 24 34,1 17
PvdA 23,0 15 17,9 9
VVD 13,7 9 13,6 6
SP 4,3 3 11,8 6
ChristenUnie 7,5 4 10,4 5
GroenLinks 5,3 3 4,3 2
SGP 3,5 2 3,5 2
D66 3,3 2 1,6 -
LPF 2,0 1 0,4 -
Opkomst 51,7 63 49,9 47


t Dagelikse bestuur is t kollege van Gedeputeerde Staatn. De proveensie Oaveriessel hef zes gedeputeerdn. De regering van t laand hef Ank Bijleveld as Kommissoaris van Könningin ansteld.

Gedeputeerdn[bewark | bronkode bewarken]

  • A. Bijleveld (CDA), laandelik gebied en water
  • C. Abbenhues (PvdA), ekonomie en innovasie
  • J. Klaasen (VVD), beriekboarheid en bestuur
  • J. Kristen (PvdA), grote steedn en wilween
  • G. Ranter (CDA), zoarge en participasie
  • T. Rietkerk (CDA), ruumte en miljeu

Gemeantes[bewark | bronkode bewarken]

Noa de gemeantelike herindeling van 1 januari 2001 is t getal an gemeantes ofnömn töt 26. Op 1 januari 2005 wördn Deavnter en Batem biej mekaar trökn töt Deavnter. Seend dee tied bint er 25 gemeantes.

Radio, tilvisie en drukweark[bewark | bronkode bewarken]

De radio- en tilvisie-omroep RTV Oost döt seend 1992 (van 1988 töt 1992 was dit Radio Oost) 24-uurs niejs, kultuur en vermaak oetzeandn vuur de proveensie Oaveriessel. t Was de eerste strekomroep in Nederlaand dee met tilvisie-oetzeandingn begun.

Belangrieke kraantn vuur de proveensie bint de Stentor en de Twentsche Courant Tubantia, ok wa n Baants en n Tub neumd.

Wus ie det...[bewark | bronkode bewarken]

In de Amerikaanse staot Michigan lig de gemiente Overisel Township, enuumd naor Oaveriessel deur emigraanten van de Nederlaanse pervincie.

Oetgoande verwiezing[bewark | bronkode bewarken]