Geschiedenis van Oaveriessel

Uut Wikipedia, de vrye encyklopedy
Naar navigatie springen Naar zoeken springen

Dit artikel beschref de geschiedenis van de Nederlaandse provincie Oaveriessel.

Prehistorie en de Romeinse tied[bewark | bronkode bewarken]

De eerste meensn die in Oaveriessel lefn waarn jagers en verzameloars. Zie lefn van t verzameln van vruchn en greuntn, en gungn op jacht of visn. Rund 2500 veur Christus gung men zuch op ne vaste plaatse västign. De laandbouw kwam op, en de laandbouwers vestigdn zuch veural langes de riviern de Vaechte en de Regge of op de zaandgroondn. De Iesselstreeke werd pas völ later bewoond, rond de vrogge Middeleeuwn.

In de Romeinse tied werd Oaveriessel bewoond deur de Tubanten.

Middeleeuwn[bewark | bronkode bewarken]

Onderwarping, karstening en untginning[bewark | bronkode bewarken]

In de 8e eeuwe maaktn Oaveriessel en de umlignde gebiedn kennis met t Christendum. Oaveriessel en Draenthe wardn bekeerd onder leiding van Sint Lebuïnus. In die tied werd ok de eerste karke esticht, noamelijk in Deventer. Die karke werd effenwel verwoest in 772 deur de Saksen, uut wroak veur de Frankische vernietiging van de Irminsul eerder dat joar, wukke bekend stund as 'n groot Saksisch heiligdum. Hiermet begun de Sakseneurloogn, woarin de Saksen meermoaln verslaagn werdn, mar steeds opnej in opstand kwaemn. Zie werdn eleid deur hun hertog Widukind en enkele keern bie estoan deur de Friesn, die zelf al grootndeuls deur de Franken waarn onderwurpen. Tenslotte mussen de Saksen in 804 de strijdbiele begroavn. t Gebied wurd inneliefd bie t Frankische Riek, onderverdeuld in gouwn, de karstening werd der langzaaman deurdrukt (o.a. door Liudger) en de groond werd ontgonn.

Vörming van t Oaversticht[bewark | bronkode bewarken]

Veur t weerldlik gezag van de bisskop van Utrecht in het Oaversticht (dat 't hudige Oaveriessel, Draenthe, het Gorecht en de Stellingwervn omvatn) werd de groondslag elegd deur schenkingn van keizer Hendrik III (10391054) an bisskop Bernold (Bernulfus, 10271054), in t koader van t riekskarkenstelsel. In de lup van de 11de eeuwe kwam hiel Oaveriessel onder dit gezag, mar 't spul bleef deurluppnd wankel. Noa en deur de totstandkoming van 't Concordaat van Worms (1122) verkreegn de greaven van Holland en de greavn (vanof 1339 hertogen) van Gelre 'n belangriek oaverwicht op de biskoppen van Utrecht. Herhoaldelik werd zie edwungn deuln van 't Oaversticht an Gelre te verpenden.

Nuvola apps ksig.png Dit artikel is eskreaven in et sallandsk.