Naar inhoud springen

Deepn

Uut Wikipedia, de vrye encyklopedy
Hoes van Deepn, een van de zes kasteeln um Deepn
De Neerlands-Hervörmde Johanneskoarke in Deepn

Deepn (vereenvoldigde oetsproake van Deepnheim) is een pleatsken in de gemeante Hof van Tweante (2001), in et zuudwesten van Tweante. Vuurdat de gemeente Hof van Tweante bestund was Deepn zelf ne gemeente. Der wont rond de 2630 leu.

Deepn steet bekeand um de beeldende kunst en de noar verholding völle kastelen (zesse in totaal). In et verleden wör Deepn al een moal ekeuzen as "Greunste Gemeente van Nederland" en hef dus völle natuur te beden.

Geskiedenisse[bewark | bronkode bewarken]

Deepn is één van de euldste steaden van Twente. Et ontstund oet de hearlikheaid Deepn wat beheard wör duur de Hearen van Deepn. In de tweede helfte van et 12e joarhonderd wör Deepn van de Graven van Dahl, duurdet Regenwice van Diepenheim doar bie in trouwden. In 1331 wör Deepn verkocht an de bisskop van Utrecht.

In 1224 wör 'n kapel van et Hoes van Deepn verheven tot parochiekaarke, en et laand wat doarbie heurden wör of enömmen van de parochie van Maarkel, woar et eerst bie an heurden. De kaarke richten zik op 'n Heligen Johannes den Deuper. Rechtevoort is et ne Nederlands-Hervörmde kaarke.

Duur de Reformasie wörden de leu oet Deepn Protestants, mer de noaberskop Maarkvealde, wat ook an Deepn heurden, bleef Rooms-Katholiek.

An de industrialisatie van et 19e joarhonderd hef Deepn neet met edoan. Doarumme is et nog aait et kleinste städken van Twente. De inwonners zelf neumt et gearne leefhebbend et Stedeken.

Duurdat der zovölle kastelen um Deepn hen ligt met grote heuve en landeriejen, hef et städken nen landeliken, bosrieken anblik. De meeste inwonners bint tot wied in et 20e joarhonderd boer ebleven.

Et kan wean dat Deepn nooit officieel stadsrechten ekregen hef. Mer et verhaal wil at 'n Hear van Deepn 'n papier skient eskreven te hebben woerin as hee Deepn töt stad verkloare. Dissen akte zol woarskienlik in 1597 in nen groten brand verlöaren wean egoan. In 1602 is een niej stadrecht oeteskreven in de vörm van et nieje stadsbook.

Toerisme[bewark | bronkode bewarken]

Toeristen in Deepn komt vuural op de 6 kastelen op of. Ook de watermölle Den Haller, den as al in et 12e joarhonderd in de beuke neumd wör, trekt nen hoop kiekvolk. Disse mölle gebrok et water oet de möllenbekke. Wieters bint der verskillende kunstoetstallingen en antiekwinkels te vinden. Alle joaren is der op kasteel Warmelo een festival met zandbeelden.

Bekende leu in en oet Deepn[bewark | bronkode bewarken]

Oetgoande verbeending[bewark | bronkode bewarken]