Amsterdam

	Gemeynde Amsterdam
Vlagge van Amsterdam	Wapen van Amsterdam
	; Lokaty van de gemeynde Amsterdam
	Informaty
Provincy	Noord-Ollaand
Höyvdplaatse	Amsterdam
	Geografy en bevolking
Uppervlakde; - Land; - Water	219,49 km²; 165,50 km²; 53,99 km²
Antal inwoaners; Inwoaners per km²	905.000 (april 2022); 5246 inw./km²
Koordinaten	52° 22′ N, 4° 53′ O
	Oaverig
Belangryke weagen	A1, A2, A4, A5, A6, A7, A8, A9, A10
Netnummer	020
Postkodes	1000-1109
	; Satellietfoto van de stad Amsterdam
	Officiele websteade
	http://www.amsterdam.nl/

Amsterdam (in et Urkers ok wel De Stad eneumd) is n gemiente in is de oofdstad van Nederlaand. De stad wort in et Amsterdams ok wel Mokum eneumd, disse naam komt eut et Jiddisj in beteakent 'plekke' of 'stad'. Amsterdam legt in de Nederlaandse provinsie Noord-Ollaand an de monding van de Amstel, in et IJ.

Amsterdam et zeen naam te danken an de anlegging van n dam in de 13e ieuw an de Amstel (Amsteldam). Roend 1300 krieg et stadsrechten, in gruuide in de Gouwen Ieuw eut tot ien van de belangrikste angelssteden ter wärreld. Bevolkingsgruui leidde vanof et eande van de 16e ieuw tot stadseutbreidingen, waoronger de grachtengordel, die op de UNESCO-Wärreldörfgoedliest stot in tot dé bezienswaardigeden van de stad beoort. Angere attraksies binnen museums, zo as et Riksmuseum, et Stedelik Museum in et Van Gogh Museum, et Anne Frank Eus, de Wallen in de droogkafees. Amsterdam et twie universiteiten in et de mieste nasionaoliteiten ter wärreld.^[2]^[3]

Eand meert 2022 ad de gemiente Amsterdam 905.000 inwoeners. Op 1 december 2012 aolde de gemiente vor et eerst sinds de jaoren zuventig et inwoenerantal van 800.000. De Metropoolregio Amsterdam, waortoe onger angere Almere, Et Gooi, Aarlem, Zaanstad in Purmerend beoren, et ongeveer 2,4 miljoen inwoners. Amsterdam is värder ok ien van de steden in de Raandstad. De stad zelf is ongerverdield in verskillende stadsdielen die wier ongerverdield binnen in buurten in wikken.