Heemskarke

Uut Wikipedia, de vrye encyklopedy
Gemaente Heemskarke
Vlagge van de gemeante Heemskarke Waopn van de gemeante Heemskarke
(Vlagge van Heemskarke) (Waopen van Heemskarke)
Lokatie van de gemeante Heemskarke
Lokatie van de gemeante Heemskarke
Informasie
Proveensie Noord-Holland Noord-Holland
Heufdplaatse Heemskarke
Geografie en bevolking
Öppervlakte
 - Laand
 - Water
27,43 km²
26,32 km²
1,11 km²
Inwonners
Bevolkingsdichtheid
37.702 (1 juli 2006)
1432 inw./km²
Koordinaten 52° 31′ N, 4° 40′ O

Koördinaoten: 52° 31′ N, 4° 40′ O

Aoverig
Belangrieke verkeersaoders N9
Netnummer 0251
Postkode 1960-1969
Offisiële webstie www.heemskerk.nl

Heemskarke is ne plaetse en gemeente in de Nederlandse previnsie Noord-Hollaand en hef ne oppervlaakte van 27,43 km² (woarvan 1,11 km² water). Binnen de gemeentegrenzen bunt gin aandere darpen as et buurtschop Noorddarp.

Geskiednis[bewark | bronkode bewarken]

Woar den name Heemskarke van weg kump, is neet echt bekend. De gemeente wierd al in de Middeleeuwn eneumd. In ne officiële oorkonde uut et joar 1063 wierd zi-j vermeld as "Hemezen Kyrica", latiniseerd Frees veur "Kark van Hemezen", een Freese nonne dee doar een klooster zol hebben. Heemskarke kent völle historiese monumenten, woarunder et Huldtoneel, een deur mensen emaakte bulte an de hudige Rieksstroatweg, woar ooit de Graven van Holland wierden in-ehuldigd. Noar ovverleavering zol et Huldtoneel al veur de Romeinse tied weazen in-ericht as Germaanse heilige plaatse. In de 19de eeuwe maken Jonkheer Gevers uutendelek van et Huldtoneel een monument - zoas wi-j et no kent - en gebod wandelaars et monument te eerbedegen.

Et Slot Assumburg te Heemskarke

Heemskarke is ok mangsgmoal ne striedplaatse ewest. Twee kastelen - et Kasteel Old Haerlem en et Slot Heemskarke - wierden in de 12de eeuwe en 13de eeuwe gebouwd um et Graafschap Hollaand te bescharmen teggen de Westfreezen. In de 15de eeuwe kwamen de bewonners teggenovver mekare te stoan tiedens de Hookse en Kabeljauwse twisten. Beide kastelen wierden verwoost. Old Haerlem wierd neet meer herbouwd, et Slot Heemskarke wal. In 1492 wierd op et karkhof van de hudege Hervormde Karke den Opstand van het Kees- en Broodvolk blodig neer-eslagen deur de Oostenriekse ovverheersers. In 1610 kreg et Slot Heemskarke den name Kasteel Marquette en wierd noadeen eerst deur völle adelleken en later deur patriciërs bewond. Lest bekende adelleke bewonners waren et 'huus Gevers'. Noe is Kasteel Marquette in bezit van de Spaanse hotelgroep 'NH Hoteles' en wodt der nog altied völle broedlachten gevierd, konferenties eholden, bedriefskursussen egevven en is et bi-jbeheurende landgood bezunder geskikt veur et maken van broedreportages.

An de ostziede van Heemskarke ligt et Slot Assumburg (1546). De Nederlands Hervormde Karke an et Nielen- en Karkplein kump uut 1628, moar hef nen middeleeuwsen toorn. Op et plein rondum de karke steet een monument ter noagedachtenis van schilder Maarten van Heemskerck. Et veurmoalege gemeentehoes wierd in 1911 ebouwd noar n ontwarp van Jan Stuyt en wierd in 1949 met ne verdeeping verhoogd. De Rooms-Kattelieke Laurentiuskarke (in de volksmond bekend as de "Lau"), ontworpen deur architekt J.H. Tonnaer is in 1891 volteujd en is n zeldzaam veurbeeld van ne kattelieke karke in neorenaissance-stiel.

Boerendarp[bewark | bronkode bewarken]

Noa de tied van ridders en edelleu is Heemskarke as een klein röstig darp an den voot van de dunen achter eblevven. De bewonners, dee veurnamelek eur bestoan vonden in de laand- en tuunbouw en in de veeholderi-je, maken gode moar ok völle, onmundeg slechte tieden deur. Uut de tied dat de produkten - mangs eerdbeazen bestemd veur Beverwiek, woar de vruchten verkocht wodden - met ezels noar de markt ebracht wodden, kreggen de Heemskarkers den ezel as bi-jname en symbool.

Steadeleke ontwikkeling[bewark | bronkode bewarken]

Heemskarke beheeld dizze boerenuutstroaling totdat de gemeente wierd ingeschakeld bi-j de industriële ontwikkeling van den IJmond: Hoogoavens (teggenwoordig Corus, Cemij, DSM, Stork Werkspoor). Dit was omstreaks 1960. Er is nog völle van weerumme te vinden in et unieke tuunbouwgebeed an de duunkante van de Rieksstroatweg, de groonden ten zuudoosten van dizzen stroatweg, dee veur een belangriek dele boerengebeed bunt eblevven. In den weidegebieden bi-j Uutgeest en Zaanstad bunt sinds 1965 tot 2005 ni-jee wonwieken ekommen, woarunder Breedweer, de Maer, Beijerlust, Woaterakkers-Lunetten en Brookpolder.

Uutgoande verwiezingen[bewark | bronkode bewarken]