West-Germoanse toalen

De Germoanse toalen in Uropa:
Noord-Germoanse toalen

██ Ieslaands

██ Faeröers

██ Noors

██ Sveeds

██ Deens

West-Germoanse toalen

██ Schots

██ Engels

██ Frais

██ Nederlaands

██ Leegsaksies

██ Duuts

De stippen geven aan woar meertoaleghaid voak veurkomt.

De West-Germoanse toalen vörmden volgens de traditsjonele opvatten n subgroup van de Germoanse toalen. t Begrip West-Germoans is omstreden en wordt in de moderne toalwetenschop nait meer zo voak broekt as vrouger. De toalen dij wie traditsjoneel West-Germoans nuimen, binnen de grootste en belangriekste group binnen dizze toalfamilie.

• Engels
• Schots
• Frais
• Hoogduuts
  • Duuts
  • Luxembörgs
  • Jiddisch
• Leegduuts
  • Leegfrankisch
    • Nederlaands
    • Afrikoans
  • Leegsaksisch
  • Oost Leegduuts
  • Plautdietsch

Noot

Alternoatieve stamboom

In de stamboom dij hierboven stait ligt t akzìnt op hou de West-Germoanse toalen zok ontwikkeld hebben sikkom vanof de vôlksverhoezens.

n Probleem mit dizze indailen is, dat der minder let wordt op de dialektische ôfstammen van dizze toalen. Tacitus beschrieft in Germania drij groupen Germoanen, de Ingvaeones, Irminones en de Istvaeones, dij volgens sommege onderzoukers aan de boases stoan van de dialektische oorsprong van de West-Germoanse toalen:

• Ingveoons (Noordzee-Germoans)
  • Engels
  • Schots
  • Frais
  • Leegsaksisch
  • Oost Leegduuts
  • Plautdietsch
• Irminoons (Elbe)
  • Hoogduuts
    • Duuts
    • Luxembörgs
    • Jiddisch
• Istveoons (Rhain-Wezer-Germoans)
  • Leegfrankisch
    • Nederlaands
    • Afrikoans

Dizze stamboom richt zok meer op de oorsprong van de toalen, woardeur dudelk wordt dat t Leegsaksisch heur dialektische oorsprong gemain hef mit t Engels (n Saksische toal) en t Frais, môr t probleem is dat in dizze stamboom nait dudelk wordt dat t Nederlaands en t Leegsaksisch, ondaanks dat ze verschillend in dialektische oorsprong binnen, een gezoamelke ontwikkelen deurmôkt hebben. Aal twij de stambomen binnen doarom slim belangriek.