Skots

Uut Wikipedie, de vrye encyklopedy
Naar navigatie springen Naar zoeken springen
Skotse dialekten

t Skots (ook: Anglo-Skots of Leeglaand-Skots, ien t Skots zulf: Scots leid) is n Westgermoanse toal dij proat wordt ien Skotlaand. t Wordt veuraal proat ien de Skottische Leeglanden, op t maist noordelke puntje van de Skottische Hooglanden en ien n lutje gebied ien Ulster. Doarnoast wordt t ook proat ien kolonioale gebieden zo as Oost Kanada. t Is verwaant aan t Engels, môr ook aan de kontinentoale Westgermoanse toalen. t Is ontstoan dou de Angeln, Saksen en Jutten noar Brittannie trokken. Ien dij tied binnen de oorspronkelke Keltische vôlker noar de oetìnden van t aailaand dreven, woarvan de Skottische Hooglaanden ook bie heuren. Ien de Leeglanden wörren Angelsaksische (Oldengelse) dialekten proat. Dizzent wörren beienvloud deur de Keltische dialekten ien t noorden. Doarnoast het t Engels ienvlouden had vanoet t Fraans, dij ien t Skots veul minder iendrongen binnen. Man kin dus sèggen dat t Skots meer Germoans is as t Engels. t Skots het tegenswoordeg nog om en bie 1.500.000 spreker. t Is opnomen worden onder dail 2 van t Uropees Haandvest veur Regionoale en Minderhaidsstoalen, liek as t Leegsaksisch en t Lìmbörgs.

De Keltische dialekten dij ien Skotlaand proat worden stoan bekend as Skots-Goals. Doarnoast het man ook nog t Skots-Engels, dat de offisjele toal is ien Skotlaand. Dit is gewoon Engels, mit wat Skotse aigenheden, verliekensboar mit t Belgisch Nederlaands (ien tegenstellen tot de Floamse Belgische dialekten) en t Svitzers Hoogduuts (Ien tegenstellen tot t Alemannische Svitzerduuts).

Skots en Skottisch[bewark | bronkode bewarken]

t Verschil tuzzen Scots en Scottish (Grunnegs: Skots) zit hom t ien wat der mit bedould wordt. Scots verwiest noar de toal, ien tieds dat Scottish noar t laand Skotlaand verwis. Dit is verliekensboar mit de woorden Grönnegse en Grönneger.

Indo-europääske talen > germaanske talen >
noordgermaanske talen: westgermaanske talen: oustgermaanske talen:
däänsk | färöösk | noorsk | norn* | sweedsk | yslandsk afrikaansk | düütsk | engelsk | freesk | jiddisj | limbörgsk | luxembörgsk | neaderlandsk | sassisk | skotsk | wilmesauersk** burgondisk* | gotisk* | vandålsk* | krimgotisk*
* = uutstorven taal       ** = mid uutstarven bedreigd