Oost Leegduuts

Oost Leegduuts of Oost Leegsaksisch is n groep nait-standoardiseerde West-Germoanse Leegduutse varieteiten, dij veurnoamelk proat worden in t oostelk dail van Duutslaand. Oost Leegduuts heurt bie de Platduutse toal. Bie t Oost Leegduuts heurt, noast de heufddialekten Mekkelnbörgs (Mecklenborgsch) en Braandenbörgs (Branneborgsch), ook t Plautdietsch, dat in Duutslaand in de omgeving van Bielefeld, en in Paraguay en de VS proat wordt.

Duutslaand erkent t Oost-Nederduuts officieel as streektoal en zegt der steun aan tou, zoas dat formuleerd is in t Europees Haandvest veur regionoale toalen of toalen van minderheden. Der gaait bepaarkte steun onder dail II van t Haandvest in de dailstoat Braandenbörg; roemere steun onder dail III het de toal in Meckelnbörg-Veurpommern. In baaide stoaten proaten ze t Oost Leegduuts.

De toalcode (ISO 639-2) van t Leegduuts is nds. Plautdietsch het n aigen code: pdt. Der binnen artikels in t Oost-Nederduuts te vinden in de Platduutse Wikipedie.