Oost-Germaanse talen bin n groep van de Indo-Europese talen, uut de Germaanse taalfamilie. Disse talen wordden espreuken tussen de rivieren de Oder en de Wiesel (Wisła) (oengeveer in t gebied wat noen Polen is) en in Zuud-Zweden, deur stammen die over t algemeen oek Oost-Germanen eneumd worren. Ze bestungen uut oender andere de Goten, Vandaolen en de Boergondiërs. Der is niet veul bekend over de Oost-Germaanse talen; ze bin allemaol uutesturven en alleen t Goties en t Krim-Goties het geschriften achtereleuten. Are talen waorvan vermoed wort dat ze Oost-Germaans waren, bin t Vandaols en t Boergondies. t Krim-Goties is vermoedelik in 18e eeuw uutesturven.
