Haorste

Uut Wikipedia, de vrye encyklopedy
Nå navigaty springen Nå söken springen
Haorste
Buurtschop en buurt in Nederlaand Flag of the Netherlands.svg
Haorste (Oaveriessel)
Haorste
Haorste
Bestuur
Provinsie NL-OV Oaveriessel
Gemeente Zwolle
Geografie en bevolking
Öppervlakte
- Laand
- Water
13,10 km²
11,98 km²
1,11 km²
Inwonners
- dichtheid
280 (2019)
23 inw./km²
Koordinaten 52° 32′ N, 6° 8′ O

Koördinaoten: 52° 32′ N, 6° 8′ O

Aoverig
Netnummer 038
Postkode 8035
Map - NL - Zwolle - Wijk 32 Vechtlanden - Buurt 20 Haerst.svg

Haorste (Zwols: Öörst, Nederlaands: Haerst) is een buurtschop en buurt in de gemiente Zwolle. Haorste lig in de wiek Vechtlaanden en maakt daor samen met Brink-oek en Langen-olte diel vanuut. In 2017 ad Haorste 265 inwoners op een gebied van 13,10 veerkante kilometer. De buurt Haorste is met een bevölkingsdichtheid van 20,2 dunbevolkt. In Haorste woont veural boeren. Ten oosten van de A28 lig de polder Haorstermarkte. Töt 1 augustus 1967 beheurden Haorste töt de gemiente Zwollerkärspel. Zo midden in de buurt lig de egraven Bomhofsplas. In et westen löp de Vechte.

Geschiedenisse[bewark | bronkode bewarken]

Bi'j de Bomhofsplas in Haorste bint in 1988 en 1989 resten van Neanderthalers evunnen. Een bewärkte vuurstienen voestbiele uut et Vrog-Weichselien is er ook evunnen. Disse voestbiele is meer als 74.000 jaor old. Et blik een uuterst zelseme vondst te wean die bewiest dät er al meansen (gien Homo sapiens, de ni'jmoeds, medärne means) waren in et Vechtdal veurdät er hier ni'jmoedse meansen waren[1].

Vrogger was Haorste zompig. In de winter stund het gebied nog wel iens onder wäter, maar in de zommer ko-j er onder aandere koeën vinden. In de jaoren twintig en därtig is het moerassige laandschop verdwenen deurdät de Ofsluutdiek en gemaol Streukelerziel ebouwd wieren.[2] Nao de Twiede Wereldoorlog bint er tal van boederi'jen ebouwd in Haorste umdet et gebied now dreuger was.

Op de olde zaandrugge (de Doornweg volgt disse zaandrugge) bi'j Haorste ku-j olde Saksische boerderi'jen vinden. Disse zaandrugge is ok de ontginningsas ewest van et gebied.[3] Het gebied tussen de A28, de zuudelike Roetenweg en de Stienwettering is as veldontginning ontstaone.

Baodem[bewark | bronkode bewarken]

Vrogger toen as de ofsluutdiek en et gemaol Streukelerziel nog niet bestunden, was Haorste een zompig gebied (broeklaand). Er was hier vrogger ok een broekbos te vinden. De grond is in dielen van Haorste moerig, zo umsgelieks ten noorden van de Bomhofsplasse. Ten zuden van de Bomhofsplasse ku-j eerdgrond vinden, ten westen vaaggrond (kalkloos). Körtbi'j de ofslag Ommen he-j nog een klein stokkien podzolgrond. In het noorden he-j ok nog (eerd)veanegrond. Aandere gronden die a-j in Haorste vinden kunt bint rauwveanegrond en humuspodzolgrond. [4][5]

De Roeten bint een kwel gebied.

Beziensweerdigheden[bewark | bronkode bewarken]

Galleri'je[bewark | bronkode bewarken]

Verwiezings[bewark | bronkode bewarken]

  1. Atlas van de Vecht, https://issuu.com/provicieoverijssel/docs/atlas_van_de_vecht_lr/56
  2. http://www.plankenloodsje.nl/water.htm
  3. Omgevingsvisie Zwolle. Omgevingsvisie: Mijn Zwolle van morgen, bijlagen https://www.zwolle.nl/sites/default/files/ontwerp-omgevingsvisie-bijlagen.pdf
  4. Atlas van Oaveriessel: baodemkaorte
  5. Atlas van Oaveriessel: Geomorfologische kaorte
Nuvola apps ksig.png Dit artikel is eskreaven in et sallandsk.