Everhard Jans

Uut Wikipedia, de vrye encyklopedy

Everhard Jans (Almelo, 11 jannewaori 1941 - Zwolle, 26 november 2013) was een Twèentse regionalist, publicist en illustrator.

Jans was de zeune van de Almelose architect Jan Jans en van Irma Paulina Cammaert. Hij studeerde an de Academie voor Kunst en Industrie, ofdieling boekverzörging en illustraties, in Eanske; daornao studeerde-n-e keunstgeschiedenis in Mönster. Daor promoveerde e op een proefschrift aover börgerhuzen maank Iesselt en Eems van 1400 töt 1850. Al op achttienjaorige leeftied begunde e te publiceren in tiedschriften als Volkskunde en Twenterlaand en -leu en sproake. Aandere titels daor as e in kwaamp te schrieven, waren Neerlands Volksleven, de Driemaandelijkse Bladen, Heemschut, Twentse Post, De Mars, Stad en Land, Historische Kring Almelo, De Nieje Tied, 't Inschrien en Jaarboek Twente.

In 1975 was e ien van de oprichters van de Kreenk vuur de Twentse Sproak. Ok warkte e jaorenlaank bij 't Van Deinse Instituut in Eanske, det as doel had meer te weten te komen aover 't heden en vleden van Twente, en warkte e veur de Twente Akademie, die as later opgunk in 't Van Deinse Instituut.

Jans schreef en höld veurdrachten aover een bulte aover streekculturele onderwarpen in de laandelijke, treditionele en historische sfeer, zoas boerenspillen, geveltiekens, middewinterhoornpoesten, klootschieten, heuibargen en tuugkisten. Hij publiceerde in 't Nederlaands en Twèents. De domeneer en collega-regionalist Anne van der Meiden schreef aover hum: "Hee hoäldt zich an zienen stiel: aalns wat met 't Saksenlaand van doon hef: historie, huuze, gebroeken, cultuur, grote en kleane bezundere dingen. 't Is almoal van betaansie en de meuite weerd um te leazen".

Jans kwaamp op 72-jaorige leeftied uut de tied.

Schrieverije[bewark | bronkode bewarken]

  • 1959 't Mirreweenterhoornblaozen (debuut, artikel in Volkskunde)
  • 1970 Gedrukt in Almelo : journaal rond de drukkerij Lulof
  • 1974 Gevel- en stiepeltekens in Oost-Nederland (ebaseerd op onderzuuk van zien va, Jan Jans)
  • 1975 Huis en hof in en om Geesteren
  • 1977 Het midwinterhoornblazen, vermeerderde herdrok 1995
  • 1977 Landelijke bouwkunst in Oost-Nederland (mit Adriaan Buter en J. Jans)
  • 1980 Langs oude Twentse boerderijen
  • 1986 Het los hoes met achterheerd in Noord- en Oost-Twente
  • 1988 Hooibergen in Oost-Nederland (mit Ab Goutbeek)
  • 1889 Burgerhuizen tussen IJssel en Eems. 1400-1850
  • 1994 Tuugkisten in Oost-Nederland (mit aandere schrievers)
  • 1997 Langs oude bomen en boerderijen in Salland
  • 1999 Nieuwjaarsijzers in Oost- Nederland (mit aandere schrievers)
  • 2000 De kerken van Jan Jans : periode 1950-1963 (mit Zeno Kolks)
  • 2001 Korenspiekers in Oost-Nederland
  • 2002 Over schutters en schuttersgilden in Twente
  • 2004 Langs historische boerderijen in Achterhoek en Liemers
  • 2004 Meubilair van Twentse burgers in de achttiende eeuw
  • 2008 Gevel- en stiepeltekens in Twente en de Achterhoek
  • 2013 Boerderijen in Salland (mit Ewout van der Horst en Robert Kemper Alferink)

Bronnen[bewark | bronkode bewarken]

Dit artikel is eschreven in 't Zuudwest-Drèents.