Anne van der Meiden

Uut Wikipedie, de vrye encyklopedy
Naar navigatie springen Naar zoeken springen
Anne van der Meiden

Anne van der Meiden (Eanske, 4 juni 1929) is nen Tweantsen domie en kommunikasiewetenskopper. An de vrogere Rieksuniversiteit van Utrecht was'e hoogleraar in massakommunikasie en Publieke Relasies. Rechtevoort is'e vuural bekeand van de koarkdeenstn dee at'e in t Tweants dut, en zinnen Tweantsen Biebel.

Achtergroond[bewark | bronkode bewarken]

Hee wör geboorn in n Kristelik-Gerefformeerd gezin. Noa t gymnasium in Eanske studeerdn'e godgeleardheaid. Doarnoa wör'e domie in de protestaantse koarke van Meerkerk. Doarnöast studeerdn'e marketing en kommunikasiewetenskopn (anpriezen en boskopn oawerbrengn). In 1972 promoveerdn'e op ethiek in de propaganda van t vakgebeed wiesbegearige ethiek. hee hef op verskeaidene hogeskooln oonderwies egeewn, woeroonder ook an Monique Sleiderink. In 1994 gung'e met emiroat.

Godgeleardheaid[bewark | bronkode bewarken]

Hee skreef völle beuke oawer geloof, reklame, propaganda, köjern vuur völle tooheurders en publieke relasies. Ook hef'e verskeaidene strekromans op zinn naamn stoan. Op 23 september 2007 was'e te zeen in t IKON-programma Het Vermoeden, woerin at'e köjerdn van det de koarkn rechtevoort te weainig achet op t woark van n Heligen Geest.

Biebelummezetting[bewark | bronkode bewarken]

Van der Meiden hef 52 biebelbeuke umme ezat in t Tweants. Hee hef vennear nog loatn weetn det'e doarmet mut stopn, umdet'e t allemoal nit good mear zeen kan. Ook leaidt'e regelmoatig koarkdeenstn in t Tweants. In 2012 vertaaln hee n Oaldsaksischen heldendoad Heliand.

Oetgoande verbeendige[bewark | bronkode bewarken]