AKI Artez

Uut Wikipedie, de vrye encyklopedy
Naar navigatie springen Jump to search
AKI Artez 2016

AKI (Akedemie veur Art & Design) is een [[kunstakedemie] in Eansk. Et wördden op-ezet deur tekstielfabrikaanten in 1946 as de Akedemie veur Kunst en Industrie, of-ekört AKI. Disse akademie wördden op-ezet umme de achterstaand in kunst, kulture en hoger onderwies in Twente bi-j te halen en umme ontwarpers te leveren an de teksielindustrie hierzoot. Noa joaren as kunstnijverheidsskoele edreit te hebben göng et in de joaren '60 de kaante van de moderne kunst op an. de AKI stiet wied bekend as de meest vri-je en eagenwieze kynstakedemie van Neerland. Rechtervoort is et onderdele van ArtEZ hogeskoele veur de kunsten, mar zöt zichzölf nog ait as een appart-stoande en kleane akedemie. Et hef verskillende lokaatsies ehad binnen de stad Eanske. Mar zit noedaags (sunds 2013) op et oale teksielfebriek Tetem II, in de wieke Roombeek. Deurdat Eanske kört bi-j de greanze met Duutslaand lig, hef de AKI ok völle Duutse studenten, mar ok studenten van aandere laanden ofkumstig.

Opleiding[bewark | bronkode bewarken]

Et eerste joar goar ie pas in a'j de veuropleiding en/of de toeloatingseksamen ehaald hebt. Hiermet test ze oe of a'j wal et deanken en et doen van een toekümstsig kunstenaar hebt. A'j et ehaald hebt an-enömmen te wörden, dan krie'j eerst een joar heel algemeen in de richting wa'j eközen hebt. Op de Aki he'j de köze tussen ACD en Fine Art. Fine Art bestiet weer tussen Painting en Sculpture. Veur anvaank van et eerste joer kies ie doar al veur. Met et tweede jår Fine Art he'j eközen óf skilderen óf skulptuur. Dan eag'lik begunt oewen opleiding pas echt. Dan krie'j oewen eagen warkplekke an-ewessen en goar ie an de gaank met oewen eagen ontwikkeling as vri-j deankend- en doenend- kunstenmaker. Oewen eagen gedachtens en beeldsproake stoat der bi-j in 't millenpunte. De dosenten wat der in de ronde loopt bint ait zölf ok ervoaren en 'evestigde' kunstenaars, den oe doar allene mar van hölpe bint (as road) veur oew eagen ontwikkeling as vri-jgeestigen kunstenmaker.

Vakken wat der nog meer an ebeuden wörd bint o.a. Kunstgeschiedenisse, Fillosfie en modeltekenen.

Bekende oldleerlingen -en leraren[bewark | bronkode bewarken]