Dick Blancke
Dick Blanke (Schonbek, Drenthe, 1952) is een sociaal warker en Drèentstalige radiomaker en schriever van gedichten, verhalen, tenielstokken en liedteksten.
Sociaal wark
[bewark | bronkode bewarken]Blanke gruide op in Schonbek in Zuudoost-Drenthe. Hij deu een middelbare beroepsopleiding sociaal en cultureel wark, en gunk as jeugdwarker an de slag in zien geboorteplaatse, in Börger en in Emmen. Het is Dik aan Nao in Nei-Zwindern en Linde ewoond te hebben, verhuusde e mit de vrund naor Arles-sur-Tech in Fraankriek bij de Spaanse grèenze.
Schrieverije en teniel- en radiowark
[bewark | bronkode bewarken]Veur Radio Noord dreug Blancke körte Drèentstalige stokkies bij an 't pergramma Mandielig. Daornao prissenteerde e een eigen, Drèents-, Grunnings- en Nederlaandstalig kienderpergramma, Het is Dik aan.... Vanof 1989 was e redacteur en verslaggever bij Radio Drenthe.
Hij schreef maotschoppijkritische liedteksten, onder meer tegen 't vurtstoppen van atoomofval in Drèentse baodem, veur de Drèentstalige Schonbekker band Turf Jenever Achterdocht. Onder pseudoniem dreug e homo-erotische gedichten bij veur een nummer van Drèents letterkundig tiedschrift Roet aover liefde. As eerste Drèentse schriever die openlijk 't thema homoseksualiteit in zien gedichten anreurde, baande e de weg veur oldere schrievers as Roel Reijntjes en Gerard Nijenhuis. Hij was een toer redactielid van Roet en sikketaoris van de Drentse Schrieverskring.
Wieder schreef e wagenspöllen daor as 't pebliek drok op was, kienderverhalen inspireerd deur zien wark, en Drèentstalige columns veur 't Neisblad van het Noorden en Maandblad Drenthe. Veur theatergroepen as 't Vrouwentoneel Erica schreef e stokken, waoronder Wat zul Anna zegd hebben. Mit Jan Veenstra, Marga Kool en Albert Haar maakte e 't theaterpregramma de Hunebed-Turbo-Show.
Wark van Blancke stund in 't Drèents kienderboek (Zuudwolde, 1984) en een köppel bloemlezings. Van zien mit tiekenares Trudy Kramer emeuken prentenboek Kobus Knien op pad met Ad de Kat kwaamp ok een Grunningstalige uutgave uut. In 2010 verscheen aover hum op video en dvd 't schrieverspetret Met oes beiden, emeuken in opdracht van 't Huus van de Taol.
Uutgaves
[bewark | bronkode bewarken]- Samen kuj een hieleboel (spannend kienderboek, Zuudwolde, 1986)
- Kobus Knien op pad met Ad de Kat (prentenboek, mit tiekenares Trudy Kramer, Zuudwolde, 2000)
- Tattoo op mien scholderblad (lied- en verhalenboek mit cd, Zuudwolde, 2001)
- Ellert en Brammert – twei Drentse donderstienen (stripboek, tekst van Blancke mit tiekenings van Ben Huisjes, 2004)
- Twie ezels en meer... Verhalen uut Frankriek (2017)
Bronnen
[bewark | bronkode bewarken]- Rouke Broersma (red.) (2003), Scheupers van de taol: Bloemlezing van de Drèentse Schrieverij 1837-2003, Zuudwolde: Stichting Het Drentse Boek (blz. 194-6)
- Huus van de Taol aover Dick Blanke
|
Dit artikel is eschreven in 't Zuudwest-Drèents. |