Gerard Nijenhuis

Uut Wikipedia, de vrye encyklopedy
Naar navigatie springen Naar zoeken springen

Gerard Nijenhuis (Geeiten, 22 jannewaori 1932) is een Drèentse schriever in 't Drèents en Nederlaands. An veul initiatieven um de Drèentstalige schrieveri'je uut te bouwen hef e mit-ewarkt.

Jeugd en domeneerswark[bewark | bronkode bewarken]

As börgemeisterszeun leerden e thuus veural Nederlaands en op 't dörp Drèents. De belangstelling veur boeken die e van huus uut mitkreeg, wördden verstarkt toen e in anraking kwaamp mit de dichters Nijhoff en Achterberg, later zien belangriekste veurbielden.

Nijenhuis hef theologie estudeerd in Stad en later in Amsterdam. van 1956 töt 1971 was e domeneer in Noord-Hollaand; daornao is e terogge komen naor Drenthe.

Schrieveri'je en streektaalwark[bewark | bronkode bewarken]

Begun jaoren vieftig debuteerden Nijenhuis mit 't Drèentstalige gedicht In Memoriam in 't maondblad Drenthe. Veur de rubriek 'Drentse dreumerijen' van de regionaole radio (toen de RONO) schreef e verhalen. Een stok of wat daorvan verschenen in 1955 in de bundel Um 't Hemelriek onder zien schoelnaom Harm Werners. Nijenhuis was ok veurganger bi'j de eerste Drèentstalige karkdienst die deur de RONO uutezunden wördden. In de jaoren tachtig maakten e veur Radio Drenthe 't veulbeluusterde pregramma 'In de mooie kaomer'.

In 1956 hef e in de maande mit Hans Heijting en Gerrit Kuipers 't leegdrömpelige Drèentstalige tiedschrift Oeze Volk op-ericht. Ok was e iene van de oprichters van de Drentse Schrieverskring, die d'r in 1996 mit uutscheidden, mar in 2012 vanni'js op-ericht wörden deur Nijenhuis en Albertien Klunder.

In de jaoren zeuventig en tachtig wördden e as schriever slim productief. Zien eerste Drèentstalige roman, 't Verbörgen leven, kwaamp in 2004 uut. In 2007 schreef e 't boekenweekkedo Een plek um te blieven Drèentse Boekenweek. In de dichteri'je is e drok op de sonnetvörm. Hi'j publiceert zowal in Oeze Volk / Maandewark as in Roet, een tiedschrift veur mederne literetuur in 't Drèents.

Nijenhuis hef hum ok ereurd as bloemlezer en beschriever van de Drèentstalige schrieveri'je. Mit Stieneke Boerma brocht e vanof 1987 cursusboeken Drèents uut veur de pabo.

Erkenning[bewark | bronkode bewarken]

Veur zien streektaalwark en literaire wark kreeg Nijenhuis in 1987 de Culturele Pries van Drenthe. Twee jaor later eerde Roet hum mit een speciaol nummer over zien lèven en wark.

In 2008 wördden e gemientedichter van de gemiente Börger-Oring.

Bi'j de prissentatie van zien bundel Tachtig gedichten in 2012 hef Nijenhuis vanwege zien grote verdiensten veur de Drèentse taal 't eretieken van 't Huus van de Taol ekregen. In opdracht van de veurloper van 't Huus van de Taol, de Stichting Drentse Taol, is een schrieverspetret op DVD van hum emeuken.

Boekpublicaties[bewark | bronkode bewarken]

  • Um 't Hemelriek (1955)
  • Tweetalig (1973, as Hans Werners, dichtbundel mit Hans Heyting)
  • Leven op afstand (1978, Nederlaandstalige dichtbundel)
  • Het jaar van de ooievaar (1979)
  • Het dorp bestaat niet meer (1981)
  • Dubbelspel (1983)
  • Onlaand (1983)
  • Onteigening (1989)
  • Schoolschrift (1987)
  • Novemberlicht (1987)
  • In aankomst ligt vertrek besloten (1990)
  • De rimpels van/ over mien vel (1990)
  • Tekens van gemis (1992)
  • Het omslaan van de tijd (1994)
  • Het Portaal (1997)
  • Land in zicht (2000)
  • Het verbörgen leven (2004, roman)
  • De toonsoort van de tied (2005, dichtbundel)
  • Een plek um te blieven (2007, boekenweekkedo tiedens Drèentse Boekenweek)
  • De dag dat vader verdween (2010, oorlogsverhaal, Nederlaandstalig)
  • 80 gedichten (2012), dichtbundel
  • Kringloop (2015), dichtbundel

Bron[bewark | bronkode bewarken]

Het Drentse Boek oaver Gerard Nijenhuis

Nuvola apps ksig.png Dit stok is eschreven in 't Zuudwest-Zuud-Drèents van de Drèents-Oaveriesselse grèensstreek.