RTV Noord
RTV Noord is de regionoale zender van de provìnzie Grunnen.
In 1978 wuir de RONO in drai regionoale omroepen splitst: Radio Fryslân (veur Fraislaand), Radio Noord (veur Grunnen en t Drìnt) en Radio Oost (veur Gelderlaand en Overiessel). In 1989 wuir t gedailte veur de provìnzie Drìnt ofsplitst en gong wieder onder de noam Radio Drenthe (now RTV Drenthe). Radio Noord wuir doarmet ain regionoale omroep exclusief veur de provìnzie Grunnen.
De noam Radio Noord wuir wiezegd in RTV Noord dou in 1995 de zender ook tillevisieoetzendings gong verzurgen.
De studio's waren tot september 2005 in t Prinsenhof aan t Martinikèrkhof in t Stad, mor tegenswoordeg worden alle oetzendings doan vanoet de Mediacentroale, ain verbouwde elektriciteitscentroale in t zuden van de stad in de buurt van de Eurobörg.
Zai ook
[bewark | bronkode bewarken]- Jacques d'Ancona
- Wim Ramaker (direkteur)
- Cunera van Selm (prissentatrice)
- Jaap Nienhuis (prissentator)