Jan Veenstra
Jan Veenstra (Noordscheschut, 1951) is een Drèents- en Nederlaandstalige schriever.
Hi'j debuteerde mit verhalen in 't Drèentse blad Oeze Volk en hef Nedersaksisch wark eschreven veur Radio Noord, maakten 't dreiboek veur de film Tweitalig en schreef columns veur regionaole kraanten en de radio. Ok hef e satirische teksten, parodieën, tenielstokken en liedteksten veur zangers as Egbert Meyers en 't Duo Karst eschreven. Vanof 1982 schreef e in 't Drèentse literaire tiedschrift Roet, daoras e van 1984 töt en mit 1998 van in de redactie zat.
Mit Dick Blanke, Marga Kool en Albert Haar maakten e een pooslaank 't theaterpregramma de Hunebed-Turbo-Show. Hi'j was iene van de verzörgers van de Taaltheaternachten in Emmen en van bi'jienkomsten van Nedersaksische schrievers uut Nederlaand en Duutslaand. Dizzend hebt eleid töt 't ontstaon van 't Oostfriese literaire tiedschrift Diesel, tegenhanger van Roet en van 't Grunningse Krödde.
In 1997 hef Veenstra de SNS-literetuurpries ekregen.
Op 't muzikale vlak hef e trompet espeuld in 't meziekcorps van Noordscheschut en basgitaar in verscheiden rock-n-roll-bandties van körte aosem.
Schrieveri'je
[bewark | bronkode bewarken]- Zangeres van zulver (novelle, Zuudwolde, 1989)
- Die nacht een feest en andere verhalen (Zuudwolde, 1998)
- Tammo Tiesing en het liek op zolder (speurdersroman, Zuudwolde, 2004)
- De zomer van '59 (Grunning, 2007, Nederlaandstalig)
- Dörpsstraot, oes dörp (2009, boekenweekkedo veur de Drèentse Boekenweke, mit Ton Peters)
- Here weg (roman, Passage, 2012)
- De secondant (2016)
- Het heen en weer (2017, mit Marga Kool)
Bronnen
[bewark | bronkode bewarken]- Rouke Broersma (samenstelling en inleiding) (2003), Scheupers van de taol: bloemlezing van de Drèentse Schrieverij 1837-2003, Zuudwolde: Het Drentse Boek, p. 187
Uutgaonde verwiezing
[bewark | bronkode bewarken]
|
Dit stok is eschreven in 't Zuudwest-Zuud-Drèents van de Drèents-Oaveriesselse grèensstreek. |