Linde (De Wolden)

Uut Wikipedie, de vrye encyklopedy
Naar navigatie springen Naar zoeken springen
Linde (De Wolden)
Buurtschop in Nederlaand Flag of the Netherlands.svg
Linde (De Wolden) (Drenthe)
Linde (De Wolden)
Linde (De Wolden)
Bestuur
Provinsie NL-DR Drenthe
Gemeente De Wolden
Geografie en bevolking
Inwonners
672 (1 nov 2007)
Koordinåten 52° 38′ N, 6° 27′ OKoördinaoten: 52° 38′ N, 6° 27′ O
Aoverig
Belangrieke verkeersaoders N48

Linde is een buurtschop in de Drèentse gemiente De Wolden. De buurtschop lig ten oosten van de pervinciaole weg 48 en zuudoostelk van Zuudwolde in dezölfde gemiente.

Onder de buurtschop Linde vaalt ok de buurtschoppen Nolde, Peerdelaanden, Schrapvene en Voele Riete, die qua postcode bi'j Linde heurt.

Geschiedenis[bewark | bronkode bewarken]

In 1290 vermeldt ze Linlo en in 1543 bij der Lynden. De betiekenis kan lindebos of bi'j de lindeboom wèden. In 1840 stunden d'r op Linde dartien huzen mit zeuventig inwoners. Tègenswoordig staot d'r zo'n 250 huzen mit zo'n 700 inwoners.

Ligging[bewark | bronkode bewarken]

Zudelk van Linde hej 't reviertien de Riest en 't Oaveriessel dörp De Vaort. Boaven Linde hej 't Schottersveld, een stok heide daoras Schotse hooglaanders rondstruunt en daoraj de veenplasse 't Zwarte Gat viendt. In een bossien op 't Schottersveld lig een gedenkstien veur Mina Koes, een dienstmaagien det end 19e ieuw op dit veld vermoord wördden deur de boerenknecht Remmelt van der Hulst. 't Verhaal van de moord sprek töt de dag van vandage stark töt de verbielding; d'r wördden een moordlied op eschrèven en RTV Oost hef d'r een documentaire oaver emeuken.[1]

Wildviaducten[bewark | bronkode bewarken]

Bi'j de herinrichting van de N48, de autoweg die van kneuppunt 't Ogeveine naor de N34 en de N340 bi'j Ommen leidt, bint twee wildviaducten oaver dizze weg ebouwd. Bi'j Linde is end 2010 een ecoduct an-elegd. De wildviaducten mut de netuurgebieden 't Dwingeldeveld en de Sallaandse Heuvelrogge mit mekare verbienden en 't veiliger maken veur dieren um oaver te stikken.

Inspiratie veur romans[bewark | bronkode bewarken]

Lucas Jonker zien fulletons en de latere romans Harm, boerenlèven an de Riest en Harm, de boer van 't Hoogelaand bint mit inspireerd deur de vertelsels van Jonker zien grofva Warner Wessels Ruine (Waander Rune), onderwiezer, kastelein en boer op Linde, en van Willem de Vries, heufdonderwiezer van de schoele op Linde.

Bronnen[bewark | bronkode bewarken]

Rifferenties[bewark | bronkode bewarken]

  1. Girbe Buist (1988), Mina Koes. Een moord in varianten, Zuudwolde: Stichting Het Drentse Boek
Nuvola apps ksig.png Dit stok is eschreven in 't Zuudwest-Zuud-Drèents van de Drèents-Oaveriesselse grèensstreek.