De Bulte (Stienwiekerlaand)

Uut Wikipedia, de vrye encyklopedy

De Bulte is een buurtschop in de gemiente Stienwiekerlaand, in de Nederlaanse perveensie Overiessel. De buurtschop lig in de Kop van Overiessel ten noorden van Stienwiek en de rieksweg A32, laangs de perveensiaole weg N855 (plaetselik de Iesveense weg enuumd) richting Iesvene. De Bulte lig rond de Bultweg en de Onderduikersweg. Der bin zo'n 80 huzen mit zo'n 200 inwoners.

Monumenten[bewark | bronkode bewarken]

Der is een historische butenplaetse, Huze De Bult, die bestaot uut een bescheiden laandhuus in de stijl van et sobere klassicisme van de laete 18de ieuw. Op et dak zit een luudklokke; bi'j et huus heuren een park en een koetshuus. Et huus, de parkanleg en de tuunmure bin rieksmonumenten.

Der is ok een gemientelijk monument, et Jachthuus op Duivenslaagte 1.[1]

Laandschop[bewark | bronkode bewarken]

De Bulte lig in een glooiend laandschop mit bossen, ieuwenolde laenen, gröslaenties en een hoogvene-vennegien. Op laandgoed De Eese liggen acht grafheuvels. Bosgebied De Woldbarg ten zuudwesten van de buurtschop stik 25 meter boven et omringende laand uut.[2]

Verwiezings[bewark | bronkode bewarken]


Dit stok is eschreven in et Stellingwarfs van Stienwiekerlaand.