Rieksmonument
Een rieksmonument is ne zaak (gebouw, veurwarp, stads- of darpsgezicht) dee van algemean belang is weagens de schoonheid, de betekkenis veur de wettenschop of de kultuurhistoriese weerde. Dit steet umskreaven in de monumentenwet van 1988. Der is ne minimum leaftied van 50 joar van de zaak um in anmerking te kommen veur et moatschoppelek anzeen van bescharmd rieksmonument. Rieksmonumenten bunt oaver et algemeen veurzeen van et internasionalen blauw-witte monumentenschildjen (zee ofbeelding).
Nederlaand hef rundumme 51.000 gebouwde rieksmonumenten, 1.500 archeologiese rieksmonumenten en 350 bescharmde stads- en darpsgezichten.
Dee rieksmonumenten bunt in-eskreaven in de Monumentenlieste (artikel 1 Monumentenwet 1988), dee'j vanzelf könt vinden in de veurwarpenverzameling van et (ODB), beheerd deur den RACM. De veurwarpenverzameling is neet publeekelek toogänkelek.
In 2000 wodden et untwarp "Actualisering Monumentenregister" an-evangen, um de laandeleke lieste bi-j te warken en betrouwboarder en toogänkeleker te maken.
Veur et onderhold van Rieksmonumenten bestoat fiscale veurzeningen.
Tiedeleken beleidsreagel anwiezing bescharmde monumenten
[bewark | bronkode bewarken]Op 1 juli 2007 ging nen tiedeleken beleidsreagel van kracht (Tiedeleken beleidsreagel anwiezing bescharmde monumenten 2007) in opdrächt van den minister van Onderwies, Kultuur en Wetenschop, R.H.A. Plasterk woarin de anwiezing van rieksmonumenten tot 1 januari 2009 is op-eschort veur zaken ebouwd veur 1940. Alleneg bi-j hoge uutzundering wodt bescharmde rieksmonumenten an-eweazen, alleneg wanneer de zaak beheurt tot den rundumme 100 meest weerdevolle monumenten dee ebouwd bunt in de tied 1940 / 1958 (de zo-eneumde wiederopbouw-tied). Dizze lieste wodden in den harfst van 2007 uutegeaven, zee: lieste van ni-je rieksmonumenten (2007). Den minister kos veur dizzen beleidsreagel umdat hi-j rap mit de verni-jing van de monumentenzörg wol anvangen.
Nen vergeliekboaren moatregel gold veur de tied van juli 2006 tot juli 2007.
Top 10 gemeenten mit de meeste monumenten
[bewark | bronkode bewarken]| Gemeente | rieksmonumenten | gemeenteleke monumenten |
|---|---|---|
| Amsterdam | 7453 | 876 |
| Maastricht | 1666 | gin |
| Utrecht | ca. 1400 | ca. 1600 |
| Leiden | 1365 | 1559 |
| Haarlem | 1194 | 100 |
| Middelburg (gemeente) | 1158 | 110 |
| Den Haag | 1155 | 1178 |
| Dordrecht | 900 | 160 |
| Schouwen-Doevelaand | 807 | 400 |
| Delft | 709 | 757 |
Zee ok
[bewark | bronkode bewarken]Uutgoande verwiezingen
[bewark | bronkode bewarken]Bron: Gezicht op gebouwd erfgoed Delft - monumentennota 2007-2017, Gemeente Delft Vakteam Monumentenzorg & Bouwkwaliteit, December 2006