Nederlaand (Overiessel)

Uut Wikipedia, de vrye encyklopedy
Naar navigatie springen Naar zoeken springen
Kiek op Nederlaand

Nederlaand (Nederlaands: Nederland) is een buurtschop in de gemiente Steenwiekerlaand in de Nederlaandse perveensie Overiessel. In 2008 had de buurtschop tien inwoners.[1]

Omgeving[bewark | bronkode bewarken]

Nederlaand lig in de Weerribben, onderdiel van Nationaol Park De Weerribben-Wieden. Niet wiedof lig et stadtien Blokziel. De buurtschop lig dichtebi'j de N333 tussen Stienwiek en Marknesse. Enkele aandere plaetsen in de buurte bin Baarlo, Kaelenbarg, Moggebiet, Scheerwolde en Wetering.

Et is een veurbield van een vaardörp, dat wil zeggen: de oldste bebouwing is oorspronkelijk via et waeter ontsleuten, niet via een weg.

Deur et plaetsien lopen waandel-, fiets- en kanoroutes. Zowal et Zuderzeepad as et Overiessels Havezatenpad koemen beveurbield deur Nederlaand. Ok mogen meensen d'r graeg schaetsen as d'r netuur-ies lig.

D'r löp iene weg deur Nederlaand, die daor van naem veraandert: de Baarlingerweg wodt de Rietweg. Wieder is d'r een splitsing van twee waeterwegen: de Heer van Diezenvaort (richting Kaelenbarg) en de Roomslote (richting Blokziel). Ok staot d'r een - in et veurjaor van 2010 nog bewoond - eileuvernust.

Vanwege de opmarkelikheid van de naeme wodden de plaetsnaembodden aorig vaeke steulen.[2]

Galleri'je[bewark | bronkode bewarken]

Rifferenties[bewark | bronkode bewarken]

  1. Gemeente Op Maat: Steenwijkerland, CBS, 2009
  2. Plaatsnaambord Nederland is roofgoed, Jelle Boonstra, de Stentor, 31 jannewaori 2009
Nuvola apps ksig.png Dit stok is eschreven in et Stellingwarfs van Stienwiekerlaand.