Belt-Schutsloot

Uut Wikipedia, de vrye encyklopedy
Naar navigatie springen Naar zoeken springen

Belt-Schutsloot is een dörp in de gemiente Steenwiekerlaand in de Nederlaandse perveensie Overiessel. In 2008 woonden d'r 570 meensen.[1]

Belt-Schutsloot lig in de Wieden, onderdiel van Nationaol Park De Weerribben-Wieden. Et lig tussen de waeteren Arembergergrachte, Schutsloterwiede en de Kleine Belterwiede. In de buurte liggen plaetsen as De Sluus, Gieteren en Et Klooster.

Belt-Schutsloot is ontstaon uut twee dörpies, Belt (Zaandbelt) en et an de Schutsloterwiede elegen Schutsloot. Et is een toeristisch dörp waor waetersporters drok op bin. D'r bin dan ok veul campings en jachthavens. Deur et dörp löp een kenaal daoras veul plezierjachten deurhenne koemen. Ok fietsers koemen graeg deur et dörp. Onder aandere de Wiedenroute löp deur Belt-Schutsloot.

Dörpsfeest[bewark | bronkode bewarken]

Alle jaoren wodt tijdens et dörpsfeest op de tweede vri'jdag van augustus een gondelvaort eholden. Rond acht uur 's aovends vaart d'r vanof et midden van et dörp bi'j de karke een stoet thematisch versierde gondels op et oosten an. Mit et tweeduusteren varen de gondels verlocht weeromme richting et Kleine Belterwiede. As ze daor verzaemeld bin, wodt d'r vuurwark of-esteuken. Anslutend is der ook nog feest in de tente.

Rifferenties[bewark | bronkode bewarken]

  1. Gemeente Op Maat: Steenwijkerland, CBS, 2009
Nuvola apps ksig.png Dit stok is eschreven in et Stellingwarfs van Stienwiekerlaand.