Onna (Oaveriessel)

Uut Wikipedia, de vrye encyklopedy
Aandere betekenissen van Onna viej' op Onna (deurverwiespagina)

Onna is een dörpien in de Overiesselse gemiente Stienwiekerlaand. Et lig net ten zuudoosten van de stad Stienwiek en is d'r-mit verbunnen deur onder meer de Onnaweg. In 2008 woonden d'r 120 mèensen.

Veurzienings[bewark | bronkode bewarken]

Onna hef een eigen kapel, Eben-Haëzer, in gebruuk bi'j de PKN veur de zundese erediensten. Ok hef Onna een dörpshuus en een fanfare. Töt begun jaoren tachtig van de twintigste ieuw haj d'r een openbaore legere schoele.

Geschiedenis[bewark | bronkode bewarken]

Onna bestund al in 1313, toen et as Unne enuumd wodden in een dokement over een geschil tussen de bisschop van Utrecht en de Stellingwarven. In 1441 viej' de naeme terogge as Unninghe. Vuuf jaor laeter wodt de schriefwieze Vnna gebruukt.

Veur de naeme bin verschillende betekenissen op-ewurpen: et zol 'weide' kunnen betekenen, of 'gien waeter' (on-a), wat slaon zol op de heugte en dreugte van de plaetse. Een aandere verklaoring is dat et 'golvend laandschop' zol betekenen, van et Latiense unda.


Dit stok is eschreven in et Stellingwarfs van Stienwiekerlaand.