Sjatten (volk)

Uut Wikipedia, de vrye encyklopedy

De Sjatten (in et Latien Chatti of Catti) waren nen Germaansen stam dee rowweg leafden in et zuden van et Nedersaksen en et noorden van et Hessen van vandage. Den name Hessen is nen lateren vörm van denzelfden name, en den stam is doarmet den naamgeaver van et gebeed van vandage en deelstoat.

Zie traden veur et eerst in de geskiedenis toon zie oaverwonnen wödden deur Drusus en Tiberius in de tied tussen 17 en 9 veur Chr. Meer eslaagd in euren veurtdurenden stried mit de Romeinen waren de Sjatten as bondgenotten van Arminius den in den Slag bi-j et Teutenburgerwold (9 noa Chr.) dree Romeinse legioenen under leiding van Varus ne vernetegende neaderloage toobrachen.

Ok de eeuwn doarnao blevven de Sjatten de Romeinen veurtdurend nen doorn in et euge. In de joaren 80 van de eerste eeuwen noa Chr. vochten zie ne riege kriegen teggen Claudius en Domitianus woarbi-j zie wal veurtdurend et onderspit mössen delven.

In 162 en 170 kwamen de Sjatten nog éenmoal keer as agressors in de geskiedenisbeuke mit eure invallen in et Zuud-Duutslaand van vandage en België. Doarnoa gingen de Sjatten vort as zelfstandegen stam. Woarschienlek gingen zie op in de Franken an et begin van de 6de eeuwe.

Tacitus leavert twee bronnen veur de Sjatten: