Cherusken

Oet Wikipedie, de vraaie enzyklopedie

De Cherusken waren nen Germaansen stam in noordwest Duutslaand, an de middenlöppe van den Wezer. De belangriekste noabervolker waren de Chatten en de Chauken.

De Cherusken wödden et eerst beskreaven deur Gaius Julius Caesar in zien wark "De Bello Gallico", book 6.10, woarin hi-j ziene wederwoardigheden van 53 v.Chr. besckref. De Cherusken wödden in 12 v.Chr. underworpen deur Drusus tiedens ziene veldtochten oostelek van den Rien. Later verweerf den stam groten roem tiedens den Slag bi-j et Teutenburger Wold in 9 n. Chr. under leiding van Arminius, toon de Cherusken in samenwarking met angrenzende Germaanse stammen, de Bructeren, Chatten en Marsen, dree Romiense legioenen under Publius Quinctilius Varus verneetigend versloogen. Noa dizzen slag gaven de Romienen et streaven um et Germaanse gebeed tussen Rien en Elbe in te lieven bi-j et Romiense Riek op en trokken zich terugge tot de Riengrenze. De veroavering wodden te kostboar. Tacitus skref in De origine et situ Germanorum dat de Cherusken noadeen ne lange tied van vrea hebt ekend, woarnoa zie met de Chatten in krieg raken en deur dizzen wödden verslagen. De tiedsanduuding van den krieg is unduudelek, moar zal tussen 51 n. Chr. en 98 n. Chr liggen.

[bewark] Bereumde Cherusken

• Arminius, liberator Germaniae (volgens Tacitus, versloog Varus en mek n ende an de Romiense bezetting van Germania.
• Flavus ("den blonden", bi-jnoam egeaven deur zien Romiense samenwarkers), breur van Arminius, deent as officier in et Romiensen leager under Germanicus.
• Segestes, teggenspöller van Arminius, stelt Varus op de heugte van den ziene plannen.
• Italicus, as giezeloar op-egreujd in Rome en deur Claudius in 47 n.C. as könning noar de Cherusken ezonden. Neave van Arminius.

• Drusus, underweerp de Cherusken
• Varus, legatus pro praetore in Germania, leet zich undanks de waarschuwing van Segestus deur Arminius in ne valle lokken.
• Germanicus, Romiens veldheer, organisierden grootskeepse veldtochten in Germania, moar mös opgeaven.
• Maroboduus, Anvoerder van de Sueben, mös toozeen hoo de Semnonen en de Longobarden de kante van Arminius kozzen.

[bewark] Tieden

• 18 v.Chr. - 9, Veroavering deur Drusus en Tiberius.
• 9 n.C, Publius Quinctilius Varus wödt bi-j den Kalkrieserbarg in de valle lokt en verneetigend versloagen.
• 15 n.C, Tweeden veldtocht van Germanicus. De achtervolging op Arminius begunt.
• 16 n.C, Daarden veldtocht van Germanicus. Den Slag bi-j Idavisto endigt met nen neaderloag.
• 17 n.C. Krieg met de Sueben. Maroboduus wödt verslagen, den Cherusken en eure bondgenotten pronken mit buut-emaakten romiense woapens.
• 19 n.C. Arminius kump, woarschienlek deur verroad in eigen kreng, um et leaven.
• 47 n.C. Italicus, den zunne van Flavus is den enigen oaverleavenden van ziene familie. Noa underlingen stried wödt e deur Claudius as könning noar de Cherusken stuurd.
• Rundumme 49 n.C. Italicus wet ne samenwarking van umrengende stammen en ontevreadenen uut eigen volk in nen veldslag te versloan, wöd later verjaagd, moar kump met hulpe van de Longobarden weerumme.
• Rundumme 51 n.C. Italicus oaverwunt ne samenwarking van umrengende stammen en ontevreadenen uut eigen volk in nen veldslag.